اسمع صوت السما بيقولك ايه
قوم ياخاطى قوم وكفاياك مشاكل وهموم امتى بقي هتقوم من النوم
دا يسوع كل ثانية بينادى عليك وانت قاعد كده ومكتف ايديك
نفسه بين احضانه ترجع ليه مش عاوز لصوته تسمع
بتقول ايه انك بتعيش ف الخطية لحظة سعيد
طيب وبعدها بتفقد الحرية وبتعيش وحيد
صدقنى الطريق الصحيح هتلاقيه مع المسيح
بتقول توصل للطريق ده ازاى
طيب تعالى واسمعنى ف الكلام اللى جاى
النهاردة تروح لابونا وتعترف بكل خطاياك
وبكرة تروح الكنيسة تصلى وتتناول هتلاقى يسوع وياك
ماسك ايدك ودايما معاك
وكمان اسمع ترانيم واقرا ف الانجيل صدقنى هتكون انسان جميل
واقرا سيرة الشهدا والقديسين وشوف ازاى وياه كانوا مستمتعين
هو ده الطريق الصحيح طريقك ويا المسيح
