بسم الاب والابن والروح القدس الة واحد امين
ربى ومخلصى يسوع المسيح
الكلام سهل وكتير لكن يارب كتير بتكلم اليك واقول هاتوب وارجع تانى ولا اكنى صليت
الصلاة من غير حرارة من غير عمق من غير احساس اكنها كلام خارج مع انفاسى على اساس انها شئ مكروة يارب دب فى حياتى روح الحرارة بقدسك دبها فى حياتى فى صلاتى فى تفكيرى فى اعمالى
ناقصنى نقاوة الفكر والنية هبنى اياها يارب انا يارب على اسمك مسيحى اذاى سايبنى لعبة للشيطان ولشهواتى اذا كنت انت سامحلى بكدة طب لية علمتنا محاربة الشيطان ذى ما حاربتة على الجبل واديت لقديسيك القدرة على محاربتة ربى انا احقر بكتير من اقل قديسيك ايمان لكنى طمعان فى قوتك ليا اقف بيها قدام الشيطان بقيت ذى الباب المفتوح لية هبنى يارب القوة ان احول فتحة باب قلبى اليك استضيفك عندى واخليك صاحبة ومالكة لكنة يارب قلبى مش نقية نقينى يارب واغسلنى لاستحق ان اكون مكان حلو لسكناك
انت قولت بارب تعالو الى ياثقيلى الاحمال وانا اريحكم لكن يارب اذا كنت مش قادر انى اجيلك بالفعل من ثقل احمال خطاياى اية يارب هاتسبنى طب دة انت يارب اللى روحت لشاول اللى كان بيضطهد الكنيسة هاتسبنى انا لية انت يارب اللى ارشدت الانبا موسى الاسود لبيتك هاتهملنى انا لية
يارب انت قولت ان نسيت الام رضيعها لن انساك امال لية من كتر خطاياى حاسس انك ناسينى انزع يارب هذا الاحساس من داخلى لانة اكيد مزيف مش حقيقى هبنى يارب نعمة التقرب اليك اكتر والتمسك بيديك اشد واحساس بحبك اعمق
اقبل منى ومن كل عبيدك صلواتنا
