قوم ارجع وتوب

ياللى عايش فى الخطية...قوم ارجع وتوب
واوعا تقول...دة مقدر ومكتوب
دة ربك فاحص القلوب
ووحده ساتر العيوب
قوم ارجع..وهو يغفرلك كل الذنوب
...... متتأخرش..دا العمر يمكن لحظة يادوب
وكما قال الكتاب..السماء تفرح بخاطىء واحد يتوب...

التوبة هتملا حياتك بالسلام
وبالحب وبالطمائنينة وشىء يعجز عن وصفه كل الكلام
هتعيش حياه طاهرة بدل مانت عايش فالاوهام
وهتحس معاها بجمال وطعم الايام

ياسلام على ريحة البخور ...بتحسسنى بالامان
وصوت ابونا فالقداس ولا صوت الشمامسة والالحان
انا فحضنك يا كنيستى ..بلاقى كل الحنان
يبقا ليه تبعدنى الخطية عنك..واعيش غريب ماليش مكان
اقبلنى يا يسوع ارجوك..انا جاى على بابك ندمان
افتحلى وانقذنى ارجوك..وماتسيبنيش فريسة للشيطان
انا شايف حضنك مفتوح لى..بس كنت عامل عاميان
خلاص حبك فتح لى عينى ..ورجعت تانى انسان
بعد ما كنت تايه...وماليش اى معنى ولا حتى عنوان
كلمات:ابنتك الخاطية:ناهد فاروق شاروبيم