زيارة للشهدا
رحت ازورهم فى القبور
ملقيتش غير الكفن منتور
صرخت روحتوا فين يا زهور ؟
...قالوا سبنا الظلمة وطلعنا للنور
قالوا نزلوا الملايكةخدونا بزفة
نسونا الرصاص ونسونا الرجفة
فرحت قلوبنا بعد ماكانت خايفة
وشوفنا ابواب السما لينا فاتحة
استقبالونا الشهدا والقديسين
الوف الوف شمال ويمين
قالولنا تعالو يا متعابين
انسوا الالم وانسوا الآنين
انتوا خلاص صرتوا سمائيين
اختاركم المخلص من بين ملايين
عشان يهديكم اكالييل غاليين
بس قولولى احساسكم كان ايه؟
لما سبتوا العالم باللى فيه؟
دا مفيش حد شافكم الا اما صعبتوا عليه؟
قالولى دانتوا اللى غلابة
واللى انتوا عايشين فيها دى غابة
عشان كلها حزن والم وكآبة
ياريتكم تشوفوا العيشة مع يسوع
كلهافرح وسلام ومفيهاش دموع
ولو خيرونا عشان نرجع للدنيا
هنقول ابدا ولا حتى ثانية
مين يسيب احضان العدرا الحانية
واكاليل المجد الغالية
وافراح السما الدايمة ويرجع للدنيا الفانية
بس عايزين نطمن اهالينا................
بيشوى ورفيق وبولا وابانوب وايمن ومينا
ان يسوع دايما وسطينا بكلامه الحلو معزينا
وف احضانه واخدنا مدفينا اهدانا اكاليل ثمينة
وخلى الفردوس ميراث لينا
اهداء من:شاعرة الشهداء
ناهد فاروق شاروبيم
