ايه ؟؟لسة بتدورو على ادلة تااانى؟
وكلنا متأكدين وعارفين مين الجانى
الصبر ده كله معناه تهاون فى حقى وحق اخوانى
خلاص بقينا زى الخرفان بنتقتل وندفن فى ثوانى
وزمن العدل خلاص وللا واصبح فانى
...
مستنيين تانى ايه؟؟؟؟؟؟؟؟؟
دة كل الادلة بتشاور عليه؟؟
دة حقه يتشنق فى ميدان عام هو واللى حواليه
نفسى يا بلدى مرة واحدة تنصرينى ..ردى عليا ساكته ليه؟
كل نقطة دم بتصرخ...انا كان ذنبى ايه؟؟؟
عايزين تمن حرمانا من أولادنا
عايزين العدل ياخد مجراه فى بلادنا
مش هتطفى النار اللى والعة فى اكبادنا
غير لما القاتل وكل ظالم يتشنق ويشرب من نفس مرارنا
ساعتها هنعرف نعيش فى امان ونعيد اعيادنا
كلمات:شاعرة الشهداء
الشاعرة ناهد فاروق شاروبيم
