ارجوكم صلوا معايا كتير وبسرعه جدا جدا

الحكاية ان فى بنت عندها 16سنة تقريبا علاقتها بربنا كانت جميله جدا ودايما كانت صلاتها مصحوبة بالدموع والمشاعر الجميله مع ربنا
ااهلها شوية عقلهم على قدهم باباها ومامتها منفصلين كل واحد قاعد فى بيت والبنت مسكينة خالص
المهم انه فى واحد فى يوم اتقدملها هى وافقت وكانت مرتاحه معاه وكان بيلبي ليها كل طلباتها بس مكنش ينفع يرتبطوا رسمى لحد ما تكمل 18سنة وقعدوا مع بعض شهور فى علاقه عاديه وتحت رعايه ربنا طبعا بس فى يوم اتصاحبت على بنت واختها ربنا يسامحهم بجد
قعدوا يكرهوها فى الشخص ده لحد لما سبته وبعد ما بعدت عنه هما كمان بعدوا عنها
البنت ملقتش اى حد قدامها واهلها زى ما قلت حالتهم صعبة شويه حاولت ترجع للشخص الاولانى بس كان خلاص فات الاوان وقالها خلينا اخوات
يوم بعد يوم البنت دمرت حياتها مع ربنا وبعد عنه خالص حتى حلقة الصلاة اللى كانت بتحضرها كل اسبوع بقالها مده مش بتيجى وتحضرها
حتى تاسونى اللى كان مرشدها الروحى بعد اب اعترافها مبقتش طيقاها وشتمتها كتير وقالتلها متتكلميش معايا تانى واتعرفت على 4اولاد من نفس سنها هما مسيحيين بس حابين يتسلوا ويتفسحوا ولقيوا المسكينه صيده سهله اب اعترافها عرف ونصحها كتير لكنها برضو شتمته وقالتله محدش له دعوة ومع ذلك جبلها الاولاد اللى بتمشي معاهم وسالهم قدامها اذا كان فى حد فيهم ناوى على ارتباط كلهم ردوا بنفس الرد احنا بنتفسح بس ومع ذلك البنت دى دماغها زى ماهى ولسه ماشيه مع الاولاد دول منظرها قدام كل اصحابها بقي وحش اوى وياريتها ترسي على كده
الا ممكن البنت تضيع نفسها فى لحظة ياس وتعمل اى حاجه مع اى ولد منهم بجد مش عارفه الوم البنت دى ولا اشفق على حالتها

المهم ان لازم كلنا بجد نصللها بكل امانه وبجد مش مجرد كلام نطلب من ربنا علشانها كتير انه ينقذها وينجيها من الاولاد دول ويرجعها لاب اعترافها وتاسونى بتاعتها تانى وترجع لحضن ربنا
صلوا بسرعه خالص البنت على وشك الهلاك والضياع ومفيش حد قادر يعمل حاجه لكن طبعا عند ربنا كل حاجه ممكنة
وميرسي كتير لكل انسان صلى وطلب طلبه من ربنا من اجل البنت دى

اسم البنت ماريان

ربنا يكون معاها وينور طريقها

ربنا يحميها من كل حاجة وحشة وينور بصيرتها ويردها لحضنة تانى

[ا بقلك يا خسارتك انتى فى المسيح ازاى كنتى مسيحية والمسيح اتصلب عشانك وعشانى وانتى تقولى مش عايزاك يارب مش عايزة المسيح انا برفض المسيح معقول ترفضى حمل اللة عشان مين عشان شيطان تسيبى المسيح لكن انا ببكى دم بدل الدموع عشان ترجعى لحضن المسيح المسيح دايما فاتح احضانة ليكى يا ماريان المسيح حمل اللة الوديع الذى لا استحق ان انحنى وافك سيور حزائة انتى بتقولى لية مش عايزاك هتعيشى كام سنة 50 / 100 وبعدين هيقولك اية من ينكرنى امام الناس انكرة امام ابى يا ربى يسوع المسيح يا غافر خطايا العالم ياحمل اللة الوديع ياربى انت قادر ان تعيد ابنتك ماريان الى كنيستك واليك يا يسوع بصرخ اليك يا سيدى الغالى وربى والهى يسوع المسيح ارجوك يارب اتضرع اليك اصرخ اليك يا سيدى والهى وحبيبى يسوع المسيح لا تدع ابنتك للتهلكة يارب لان ابن الهلاك الى الهلاك يدعى انت يارب احن اب واعظم اب لى تدخل مد يدك انقذها من عذاب الدينونة يا الهى عرفها نورك سيدى الغالى يسوع المسيح

(اصغ يارب الى صوت تضرعاتى))(
يارب اتضرع اليك ان تسامحها وترحمها


يارب اتضرع اليك ان تثبتنى فيك وتحفظنى


يارب اتضرع اليك ان تبطل مشورة ابليس وتحيطنى بسور من نار


يارب اتضرع اليك ان تحفظنى من ذاتى ومن خطاياى


يارب اتضرع اليك ان تغمرنى بحبك وان تعلمنى من حياتك


يارب اتضرع اليك ان تسكن بقلبى الحقير وتجعله مسكن لك


يارب اتضرع اليك ان تقبلنى فى ملكوتك
وان يسود اسمك على حياتى


يارب اتضرع اليك ان تباركنى وتقدسنى وتطهرنى وتجعلنى عروس لك


يارب اتضرع اليك ان تأخذنى بقرب قلبك وتضمنى فى حضنك وتقبلنى


واخيرا يارب اتضرع اليك ان تمل اذنيك وتصغى الى صوت تضرعاتى
ولا تدع ابنتك ماريان الى الهلاك
بشفاعة ام النور وكل القديسين الذين ارضوك منذ البدء
ارجعهم الى حظيرتك من فضلك ياربى يسوع لاتدعهم الى التهلكة

يارب انت قلت انك تريد الجميعيقبلون اليك وحتى يارب و مكنت دى ارادتنا فانتا ابونا الحنين الى بتستنى على خرافك وبتابعهم من بعيد لكن وقت ما الديب بيحاول يقرب منهم بتشيلنا على كتفك وبتاخدنا فى حضنك وبنتك ماريان وولادك المسيحين الى معاها الديب الكبير شوشو عايزهم يبعدوا عنك وانت اب حنين وواثقه فى محبتك انك مش هتسيب خرافك يبعدوا عنك حتى لو تاهوا شويه مسيرهم يرجعوا لحضنك تانى فرجع يارب كل نفس بعيده عنك وكون مع كل ولادك وبناتك بشفاعه ماما العدرا والانبا مكاريوس امين

امل يارب اذنك استجب لي مسكين وبائس انا. احفظ نفسى لانك تقي يا الهي خلص انت عبدتك المتكلة عليك ارحمني يارب لانني اليك اصرخ اليوم كله. فرح نفس عبدك لانني اليك يارب ارفع نفسي.


لانك انت يارب صالح وغفور وكثير الرحمه لكل الداعين اليك.


اصغ يارب الي صلاتي وانصت الي صوت تضرعاتي. في يوم ضيقي ادعوك لانك تستجيب لي. لا مثل لك بين الالهه يارب ولا مثل اعمالك.


التفت اليها وارحمها اعط عبدتك قوتك وخلص ابنة امتك.


اصنع معها اية للخير فيري ذلك مبغضي فيخزوا لانك انت يارب اعنتني وعزيتني.


من اجل اسمك يارب تحييها بعدلك تخرج من الضيق نفسي

ميرسي كتير لصلواتكم
مع انه مفيش اعذار لاى انسان يفكر يعمل الخطيه
بس يعلم ربنا البنت دى طيبه اوى وغلبانه جدا
بس عدو الخير مش عاوزة يسيبها وهى معرفتش تقاوم وملقتش اى حد جنبها فلجات للسكة دى وللاسف الاولاد دول بدل ما يخافوا على اختهم ويحافظوا عليها بيشجعوها على كده مع انهم برضو اولاد ربنا
وللاسف كمان الناس بتحتقر البنت دى وفاكرينها مش كويسة
لكن عمر ما حد فيهم فكر يعرف ايه الاسباب اللى وصلتها لكده ولا حد فيهم فكر يساعدها ويخفف عنها
ربنا معاها ويحافظ عليها هو ابوها ومستحيل يسيب بنته تكون صيده سهله مهما هى سابته وبعدت عنه

ربنا موجود يرجعها لحضنه هو ابوه هو الذى يبحث عن الخروف الضال ويرجعه ليه

ميرسي جدااااااااااااا لكل انسان صلى من قلبه علشان خاطر ماريان
نشكر ربنا هى دلوقتى خلاص رجعت تانى لحضن اب اعترافها وللخادمة اللى كانت بتقعد معاها
بجد مبسوووطه كتير علشانها ربنا معاها ويثبتها فى ايمانه اكتر واكتر