ب 5 جنيه تنول الابديه

ابانوب دا واد شاطررررر جدااا .... عارفين ابانوب دا يطلع مين ؟؟ .... دا طفل عنده 10 سنين متعود فى كل صيام يكون من اول الصايمين .... ابانوب من شاطرته وحبه فى بابا يسوع عارفين عمل ايه ؟؟ .... ايه رايكم !!! تعالو نشوف ابانوب فكر وعمل ايه ؟؟ ... ماماته مدام ماجدة جاتلى تسالنى على اللى بيعمله ابانوب وهل دا صح ولا غلط ؟؟ ... بصراحه انا استغربت لانى عارفه ان ابانوب شاطرر جداا ومعروف بهدوه العجيب وكمان اعرف انه بيصوم كل الصيامات بتاعة السنه كلها وعمره ميزعل ماماته مدام ماجدة بس هى بدات تحيكلى فى الاول انا فكرتها هتحكيلى على مشكله هو عاملها وعلى فكرة دا طبيعية اى طفل فى سنه لانه فى سن الشقاوه ولكن المفاجاه ان ابانوب لما عرف ان انهارده اول يوم صيام فى الصيام الكبيرر .....جرى على طووووول سال باباه هتصوم معانا ... باباه استغرب وقال اصل يا حبيبى مقدرش اول اسبوعين معلش .... راح ابانوب فكر وقال طيب يا بابا ادفع خمسه جنيه ... باباه رد وقاله خمسه جنيه وضحك .... طيب ليه ؟؟ ... رد ابانوب وقال انا فكرت اعمل حصاله واضع فيها كل يوم من اول يوم صيام 1/2 مصروفى اللى انت بتدهولى ودول عشان اخوة بابا يسوع وكمان لو فات عليا يوم من غير ما اصلى اضع 4/3 مصروفى ولو محروتش الكنيسه ومدارس الاحد مع ماما اضع مصروفى كله.... انت بقاااا مش هتصوم معانا وكمان مابتروحش الكنيسه وكمان يا بابا كنت زمااااان بتصلى وانت اللى علمتنى الصلاة وبطلت من فترة حتى اخوة بابا يسوع مبتسالش عنهم يبقا تدفع كااااام ؟؟؟؟ .... استغرب جداا والد ابانوب وكمان ماماته مدام ماجدة ورد الوالد وقال ادفع مصروفى كله زايك ..... ضحك ابانوب ورد على باباه وقال لا يا بابا انت هتدفع خمسه جنيه بس !! كل يوم لغاية لما تصلى وتصوم وتروح معايا الكنيسه وكمان تفتكر اخوة بابا يسوع
.... ولما تعمل كدا هتدفع 50 قرش فقط ودول العشور بتوع ال خمسه جنيه .... ضحك جدا والد ابانوب وقاله طيب هتعمل بيهم ايه ؟؟.... رد ابانوب وقال انا هروح الكنيسه عند بابا يسوع واديله كل الفلوس دايا تعبير عن حبنا له وكمان عشان اقوله ان بابا بقا كويس خالص وبيحبك والفلوس دايا تعبير عن حبه ليك ويسامحك على كل خطيه وتكون معانا فى الابديه

ايه رايكم فى اللى عمله ابانوب ؟؟ ..........
كام واحد فينا بيفكرر زى ابانوب ؟؟؟........
احنا فى صيام وبعد كدا هنقرب على العيد واول حاجه هنفكر فيها هى ايه .... اكيد عارفين لبس العيد الجديد يا ترا فكرت فى اخوة الرب يسوع ؟؟
ابانوب عمل حاجه لطيفه جدا فى اسرته عارفين ايه عمل للصيام معنى حقيقى له وهو مش اكل وبس ولكن صلاه مع صوم مع الكنيسه مع الصداقه
يا ريت كلنا فى الصيام دا تكون صلتنا بيسوع ليها معنى
الى اللقاء فى قصه جديدة

شكرا ليكي يا نعمه ربنا يزيدك نعمه يا بش مهندسه
قصه رائعه ربنا يباركك

قصة جميل جدا

» منتدي الحياه الابديه
» كان هبيعه بربع جنيه.............؟
» ربع جنيه وليس اكثر
» بلال يحصل على 9مليون جنيه فى سموحة
» الاهلى يحاول الابقاء على متعب ب15مليون جنيه