اول عيد ميلاد لاروع و اجمل منتدى كنوز السماء فى الدنيا كلها

كل سنه وانت طيب يااجمل واروع منتدى فى الكون ويارب تستمر سنين وسنين وتكون سبب فى نشر كلمة ربنا بمساهمة كل شخص مشترك فيك
انا بصراحه معرفش اليوم اللى اتعمل فيه المنتدى بالظبط بس استنتجته من تاريخ تسجيل امجد بصفته الادمن طبعا
حبيت اسيب كلمة تكون ذكرى لاجمل واروع منتدى فى الكون بجد ومش مجرد مجامله او كلام فض مجالس
ومبسوطه كتيييييييييير انى احضر احتفال مرور اول سنه على المنتدى وبجد دى اول مره افكر فى حاجه زى دى
علشان منتدى كنوز السماء مش زى اى منتدى لا بجد هو بيمثل لي حاجه كبيره اوى مش مجرد منتدى بنزل فيه مواضيع او برد عليها
بجد
حبيته اوى من قلبى واتعلقت بيه جدا مكنش ينفع يعدى يوم من غير ماادخله
واطمن عليه حتى ولو مشاركتش بموضوع كفايه انى اطمن انه شغال
وبجد بزعل اووووووووى لما بلاقى المنتدى شبه مهجور او الناس مكسله تدخل تضيف موضوع او حتى تساهم برد
وبفرح كتير لما بلاقى ناس جديده بتسجل وبتشارك وتبقى فعاله اكيد مش بيبقي نفس الاحساس فى كل المنتديات بس انا بحس بكده هنا
علشان
هنا لاقيت اجمل واروع واطيب اصحاب فى الكون حبيتهم جدااااا وواثقه انهم
بيبادلونى نفس المشاعر وقربت منهم اوووووى وبجد ملقتش ناس زيهم
والاجمل اننا مش بنتعامل مع بعض رسمي يعنى مش مجرد اننا اعضاء فى نفس المنتدى واننا نرد على مواضيع بعض وخلاص
لا
فى ما بينا عشره جميله وصداقة وكمان اخوة اجمل بنزعل من بعض احيانا
بنتعاتب على حاجات كتييييير بس اكيد مش بينتهى اليوم قبل مانتصالح ونرجع
افضل من الاول علشان سبب الخلاف مش بيكون الا وهو خوف على التانى من اى
حاجه حتى لو كانت صغيره لكن بمجرد ما يلاحظ حد فينا اى شئ
هايضر التانى لازم بيحذره مره واتنين وعشره
واذا كان عليا انا شخصيا فانا بجد استفدت من المنتدى ده كتيييييييييييييييير
واتعلمت منه اكتر وفى وقت لما بكون مضايقه ومخنوقه من الدنيا دى
وخلاص جبت اخرى من مشكله معينه ومش طايقه الحياه باكملها اول حاجه بفكر فيها هى المنتدى لانى بجد بلاقى فيه التعزيه الكامله
سواء كان من خلال موضوع حد منزله او كلمة حلوة ومعزيه من ناس احلى واجمل بجد بنسي كل الهموم وبحس بارتياح غريب
وبحس ان المنتدى ده شخص بتعامل معاه بكلمه واشكيله واسمع رده من خلال الموضوع المناسب اللى بيكون مضاف فى الوقت المناسب
وبامااااااانه
وصدقونى انا مكتبتش اى كلمة مش حاسه بيها او بالغت فى اى جمله وكل اللى
قلته انا مريت بيه وجربته واكيد اى حد بيدخل المنتدى على طول هايعرف كده
كويس وهايعرف انى مش بجامل حد ولا بقول كلام وخلاص
وبالمناسبه لازم اشكر
رامى كتييييييييير اووووووووووى لانه كان سبب دخولى المنتدى ومعرفتى
بالناس الجميله اللى هنا واللى كان هو اولهم
بجد ميرسي ليك كتيييييييييير يارامى للخدمه الجميله دى وبجد عمرى ما هنسي جميلك ده

اولا بقول لمنتدانا الحلو ده كل سنه وانت طيب وكل سنه واخواتى الى فى المنتدى حلوين وطيبين ومبسوطين
وبشكر مرمر على مشاعرها الجميله انا بجد من بعدها مش هاقدر اقول حاجه بعد الكلام الحلو الى قالته بس انا حبيت ادخل واعيد على الناس الى انا بحس انهم اخواتى بجد وفى اى مشكله الاقيهم واقفين جنبى وينصحونى وبعتبرهم اسرتى التانيه سواء كان امجد او رامى او فوفو او مرمر او ايمى او مسعد وناس تانى كتير اكيد موجوده معانا وبستفيد منهم اوى فى موضوعاتهم المتميزة
وانا مبسوطه جدا انى موجوده معاكوا فى بيتى التانى بس اتمنى زى مكنا كلنا كده بندخل ونشارك ونشجع بعض فى الاول ندخل تانى دلوقتى لانى بجد زعلانه ان المنتدى محدش بقى يدخله كتير او مفيش اهتماما زى الاول بس انا واثقه انهم هيحنوا لمنتدلهم ويرجعوا تانى
وبكررها مرة تانى كل سنه وانت طيب ياحلى منتدى واحلى اخوات