لعبه الصرااااااااحه

+
----
-
كلنا طبعا نعرف لعبه الصراحه دى يعنى زيها بس عباره عن ان كل عضو يدخل يشوف سؤال العضو اللى قبله يعنى مثلا انا دخلت هكتب سؤال لاى حد مش حد معين والعضو اللى بعدى اللى هيدخل عليه انه يجواب بصراحه بس االمهم مش نحدد احنا بنسال لمين السؤال ده وياريت نجاوب بصراحه ومحدش يغش فى الاجابه لو مش عايز تجاوب قول واسال سؤال للعضو اللى بعدك
اتمنى تكونوا فهمتوا
انا هسال اهو وياريت حد يعبرنى ويرد عليا
ايه اكتر حاجه بضايقك وايه اكتر حاجه بتفرحك

الحاجه ال بتضايقني هي هما اتنين
او اكثر
اولا الكذب
ثانيا
لما اكلم حد وهو موجود وهو مش بيرض عليا

الحاجه ال تفرحني هي ان اكون مع اصحابي
واحب اشوفهم فرحانين

حلو اوى انكم لعبتوا معانا بس فين سؤالكم للعضو الى يدخل بعدكم يعنى المفروض اميل يقول سؤال للى بعده والى بعده يرد علي ويقول سؤال تانى
يعنى انا اقول اجابه السؤال واسال سؤال تانى
الى بيفرحنى اوى انى اشوف الى حواليا مبسوطين والى بيزعلنى لما اشوف الظلم لاى حد
السؤال
مين اكتر شخص عزيز على قلبك
الى بعدى يجاوب ويحط سؤال للى بعده

باباوماما
هل تدوم على الاعتراف ؟

طيب ليه الفضايح دى بس يايمى ههههههههههه
على العموم انا لى 5 شهور مروحتش اعترفت
السؤال للى بعدى
ليه انت داخل المنتدى

بصراحه انا مش بحب اشترك في اي منتدي خالص بس انا دخلته علي لما سالت امجد فين هو المنتدي ده وقالي عليه واشتركت فيه
وانا قلت في نفسي اشترك فيه وخلاص مش مشكله بس بامانه لما دخلت واشتركت في مواضيع واتكلمت معاكم
حسين ان انا في دنيه جديده تاني خالص بعيد عن الايميل والفيس وكله
وانا باخذ بركه منك
..............................................
للاسف مش بحب اسال حد ال هايدخل بعدي يسال نفسه سوال ويجاوب عليه
بس يسال نفسه بصراحه

ياراجل اسال نفسى ازاى
ماشى
على العموم مين اكتر واحد ممكن تفرحلة
اكيد الانسان الى نفسى ارتبط بية
والسؤال بتاعى
هو
مين الشخص الى تحب انك تضربة وهو معانا فى المنتدى
هههههههههههههههه

ههههههههههه اولا ميرسى اميل وامير بيجو عى مروركم
وانت يعم امير شكلك هتطردنا برة المنتدى لانى اكتر واحد نفسى اضربه فى المنتدى هو مدير المنتدى امجد بس ده لانى معرفش غيره فمش هاقدر اضرب حد تانى غيره ورزقى على الله بقى ههههههههههه
السؤال بقى
مين اكتر انسان حاسس انه يستاهل كلمه بحبك سواء بنت او ولد

الحياه هى ايام وبتعدى والايام ده كله محسبوبه من عمرنا يعنى المفروض نعرف نعيشها صح ومفيش حاجه تبعدنا ابدا عن المسيح
الى بعدى انت لما تكون مخنوق على الاخر بتعمل ايه

عايز امي تخف بقي علشان هي تعبت قوي
وتقريبا البيت كله ملوش طعم من غيرها وهي وقفة علي رجلها

مين اقرب انسان ليك ممكن تحكيلو علي اللي في قلبك بصراح
بعيد عن اهل بيتك

اب اعترفى اوصدقية عمرى
ليه الدينا بتقسى على الناس والناس ليه عايش حزين

علشان اخد القرار الصح
ليه كتير ناس بتحبنا واحنا بيكون ولا على بالنا

الحياة سهله وبسيطه بس احنا الى بنعقدها لو اتعودنا ناخد كل الامور ببساطه مع حكمه وفى الاول ايد ربنا سابقانه هنقدر نعيش فيها واحنا مبسوطين
ما هو اكتر شىء بتتمناه ونفسك يتحقق

ابويا

ايه الاسس اللى ممكن تختار بيها الانسان اللى تعيش معاه باقى حياتك

طبعا حاجات كتير بس اهم شىء يكون ابن ربنا ومش بيدخن وعلاقاته بالناس وباهله كويسه اوى ومستواه الاجتماعى والمادى كويس وطبعا يبقى فيه علاقه حب واحترام متبادله بينا وبيحب يلعب مع الاطفال وحنين ويتحمل مسئوليه بس كفايه كده فضحتونا هههههههههههههه
السؤال
ما هو حلم حياتك

انى اعيش حياة هادية مستقرة
فيه حد ف الدنيا دى يستحق انك تثق فيه اوى

طبعا في بس احنا اللي من كتر الخيانه بقينا مش بنصدق شعورنا

هل تؤمن بالحب من اول نظرة

لا طبعا
بتحب ربنا ولا الدنيا اكتر
عاوزة اجابة بصراحة

التسامح في المسيحيه ليس له انقطاع
ومطلوب مننا اننا نسامح علي طول
زي ما بنقول
وأغفر لنا زنوبنا كما نغفر نحن ايضا لمن يزنب الينا

ياترا بتسأل نفسك هل انت علي الطريق الصحيح؟؟؟
ولو الجواب لأ
بتعمل ايه

بسال نفسي نفسي كتير
ولو الاجابة لا بفكر
بس بعد طول تفكير
بفضل زى ما انا بدون تغيير


لو كنت بتعمل حاجة معينة
واب اعترافك قالك تبعد عنها
بس انت مش قادر او مش شايف منها ضرر
تعمل ايه

بحاول افهم ابونا ان الحاجة دا مافييش منها ضرر


لم اكون لوحدى ونعبان جدا ومخنون اعمل ايه

صلي

اقري الانجيل
او اى كتب تانى

ازاى اعرف انى اتخذت القرار السليم
بس قبل فوات الاوان