ما بين الترانيم والاغانى الحيرة تملى واخدانى

سؤال تتناقله السنة الشباب
نسمع اغانى ولا لا ؟؟؟؟
بما ان شبابنا المسيحى متزن وجميل فلم يحرم او يجرم سماع الاغانى كما انه لم يجند سماعها
لكنهم تعاملوا مع القضية بالمفهوم الكتابى القائل
(كل الاشياء تحل لى ،لكن ليس كل الاشياء توافق،،كل الاشياء تحل لى لكن لا يتسلط علي شئ)
(كل الاشياء تحل لى،، لكن ليس كل الاشياء توافق،، كل الاشياء تحل لى،، لكن ليس كل الاشياء تبنى)
وذلك من خلال مناقشات ساخنة دارت بين اعضاء منتدى اسقفية الشباب
فى البداية طرحت "جويا" تساؤلا احيانا باحس ان فى اغانى نفسي اسمعها وابقي نفسي اتابع اخبار المطربين
لكن لما بأروح فرح مش بنسجم مع جو الكلام ده ،، ولو اتخطبت اشغل اغانى ولا لا ؟؟
يحذرها spartacoseقائلا
اهم حاجة ان سماعنا للاغانى مايتحولش لعبودية وماتسيطرش علينا
لكن سماع الاغانى فى حد ذاته اعتقد انه شئ مايزعلش ربنا طالما انها اغانى محترمة
وبحماس شديد للاغانى يقول "ألياس السريانى"الاغانى حاجة جميلة جدا للى بيسمعها
لكن لازم ننتبه لان فى اغانى بتنادى بعبادة الشيطان واغانى الروك خطيرة جدا
ويتفق mike92 معdnfy
ان الاغانى مش حرام لكن هى بتلهى الانسان عن قراءة الانجيل والصلاة
واحنا بنسمعها فى افراح الاصدقاء والاقارب وبنشاركهم فى التصفيق بس عشان مايزعلوش
وعن تجربة شخصية تقول"ربنا يحفظك"انا شخصيا بسمع اغانى وبابقي مبسوطة ومندمجة جدا بها
لكن بمجرد مابطفيها باحس بضيق شديد جوايا قد الانبساط اللى كنت حاساه وانا بسمعها
وبالنسبة لتشغيل الاغانى فى خطوبتك ياما ناس اتخطبوا وكانوا حافظين الاغانى كويس جدا
وفرحوا يوم خطوبتهم لكن فكوا بعد كام شهر لان ربنا مكنش وسطهم من البداية
وبنظرة عقلانية تقول "سيلفيا شوقى"فى ناس بتقول ان الاغانى بتحرك المشاعر
طب مابرضوا الترانيم بتحرك المشاعر بس ليسوع الهنا فليه نسمع اغانى طب مانسمع الترانيم بدل الاغانى
وتقترح "هيلنة"ان تكتب ترانيم تتناسب مع الافراح والخطوبات لتكون بديلا للاغانى
منقول

وانا شخصيا سالت اب اعترافى هى الاغانى حرام
بس مااخدتش منه رد قاطع ضحك وقالى مانسمع ترانيم روحية افضل

وسالت خادمة نفس السؤال
ردت وقالت انه اللى بيسمع اغانى كانه بيسمع .....
فيما معناه انه سماعها قمة الحرام

طبعا انا مش بسال السؤال ده عشان اعرف ايه الافضل الاغانى ولا الترانيم
لانه بالتاكيد الترانيم افضل بكتير
انا كل اللى عاوزة اعرف هى الاغانى حرام ولا لا
ولو هى حرام مش هايبقي برضو الشعر حرام لانها هى والشعر واحد
وفى اغانى بتبقي للام او للاطفال يبقي ايه اللى فيها حرام

ويبقى السؤال محيرا هى الاغانى حرام ولا لا

بجد عاوزة اعرف رايكم واعرف اجابتكم عشان انا محتارة اوى

اولا ميرسي ليكى موضوع جميل
اما رايي المتواضع بالنسبة لسماع الاغانى
فانا شايف انها مش حرام
لانها مجرد كلمات عادية بتتقال
وممكن اى حد فينا يقولها بطريقته الخاصة
وبعدين زى ماقلتى فى اغانى للام او للاطفال
او اى اغانى تانية هى كلماتها جاية منين
واكيد انها مفيهاش كلام جديد علينا
لانها كلها جاى من كلامنا العادى
ولكن كمان لازم ننتبه جدا
ومنخليش الاغانى تسيطر علينا وننسي نوفى لربنا حقه علينا
يعنى مينفعش الاغانى تعطلنا عن صلاة او قراءة انجيل
اسف اذا كنت طولت عليكم

ميرسي جدا ابن يسوع لرايك المهم ومرورك بالموضوع

مرسي يامارينا

ميرسي ايمى لمرورك الجميل