قلب من حنان
الى قلب الام ... كل ام
الى الابماء الاوفياء للقلوب الوفية
قلوب امهات
اهدى قلب من حنان
رمز ومعنى
قلب نور من زمان
قلب مليان بالايمان
قلب كل الامهات
حب صادق وحنان
اول صوت سمعته
كان صوت امى
اجمل الاصوات
واول لحن غنيته
نشيد امى
ارق النغمات
واول اسم حبيته
دا اسم امى
احلى الكلمات
تعيش امى
+ + +
صلت
زيها صليت
وعرفت ربنا
غنت
فرحت وغنيت
وعشت الهنا
بكت
بالدموع بكيت
وزعلت انا
عشان امى
طلعت اجرى وانا صغير
منين ما تمشى اجرى وراها
وكل كلمة تقولها
احفظها واقولها معاها
وكل حركة تعملها
بفرحة اعملها وياها
وبتفرح امى
+ + +
فى كل حاجه ........ اسالها
بتهدينى
وانا عيان ........ اناديلها
تراعينى
وتسالنى ..........اجاوبها
بنور عينى
واطيع امى
+ + +
علميتنى .................... سر الكون
فهميتنى ..................... ازاى اكون
وريتنى ....................... كنز مضمون
كنز محفوظ من زمان
كنز مليان بالايمان
الحب دايما الاهم
هو قلب الام
+ + +
قلب الام كله امان
قلب الام نغم والحان
حاقولكم حكاية قالوها زمان
حكاية الحب حكاية القلب
اللى كله حنان
جروح الام بتطرح دم
ووورد وريحان
حكاية الورد الطارح ود
وعطف وحنان
تعالو معايا نسمع الحكاية
اللى قالوها زمان
+ + +
الام فرحانة كتير بقدوم اول مولود
والاب نايم على السرير قالو رايح ومش حيعود
الابن كبر وتربى وابوه مش موجود
والام كانت حامده
عاهدت ربها حاتعيش لابنها
طول الحياة
+ + +
مرت الايام
وعدت سنين
وهما مبسوطين
والولد قوام
فى غمضة عين
عدى العشرين
الام قالت يا ابنى
تفس افرح بيك
وفرحتك تكفينى
وتفرح قلبى
بجوازة تهنيك
وتهنينى
واعيش وياكم
اداديها واداديك
يا نور عينى
+ + +
وبكره اشوف ولادك بعنية
وهشكهم كده على ايديه
واغنيلهم وانا فرحانة
+ + +
الولد قال مش ممكن ابدا
دا يحصل ولا يكون ....
انا بحبك انت وحدك......
وانتى عارفه من زمان
انتى ابوى وانتى امى
وانتى مراتى كمان .....
+ + +
قال مهما يكون برضه انا مش راضى
قالت اسكت وكفاية كلام فاضى
+ + +
وفعلا ........
مشيت كلامها
وجابت له ملكة جمال
ولكن.........
بعد شهور
تغيرت الاحوال
البنت تعامل حماتها
زى المثل ما يقول
الحما عمى
دا الكلام فى رايها معقول
والام بقت ذليله
بعد ما كانت اميره
والشيطان ............
دخل فى البيت يعمل عمل
البنت النقاوة
تغيرت قوام
اكلت بعقله حلاوه
ماشى وراها تمام
والشيطان ركب عقلها
واملى عليها كلام
وفى يوم ............
قالت لجوزها........ ياحبيبى ......... ونور عينى
بالطبع اطلب طلب
لازم تيجيبهوالى
اخينا مسكين مال
وعليها رد وقال
كلامك اسمعه
وبسرعه انفذهوالك
وطلبك على عينى
ومن تحت الارض اجيبهوالك
قالت طلبى غالى
ولازم تجيبهوالى
قال يرخصلك الغالى
بس .........قولى
قالت طلبى يجى
وذنبك على جنبك
انا يا عزيزى
عايزه قلب امك
+ + +
قال مش معقول
ومش ممكن يقول
قالت يا عزيزى معقول
ولازم ...... يكون
الشيطان همس فى ودنة
وقال ولا يهمك
اعمل ديه العمله
احسن تزعل منك
+ + +
والشيطان عمل عمله
لحد ما غواه
وراح ......لامه
والشيطان وياه
قالت اهلا وسهلا
ازى صحتك يا ابنى
قال لى طلب
قالت فداك قلبى
قال هو اللى عاوزه
وطلع السكين
قهقه ..... وفرح
الشيطان اللعين
نزع القلب من صدر المحبة
بكى القلب والقلب مليان بالمحبة
طالع يجرى
وفى ايده القلب
من سرعته
وقع على الارض
كانت صدمة جامدة
واتجرح المسكين
سمع صوت من القلب
وكان صوت حنون
جرالك حاجه؟....
اسم الله عليك
يا ابنى..........
فداك قلبى
+ + +
الولد وقف فى الحال
ومسك القلب فى ايديه
وفضل يبوس فيه
والدمع ملى عينه
الولد مسك السكين
ورفعها على نفسه
سمع الصوت الحنون
عالى وبيقوله
اوعى يا ابنى تطعن قلبى
مرتين
روح انا مسمحاك
عيش فى الدنيا
وربنا ويالك
يا سلام
يا سلام على قلب الام
قلب الام كله محبة
قلب الام كله حنان
قلب الام نغم والحان
قلب الام هديه الرحمن
قلب الام
