طفل محتاج لحنان

لكل أب .. لكل أم .. لكل أخ
عندهم طفل محتاج لحنـــــــــان
لكل خادم .. لكل خادمة
تحي البسمة .. تدوب الأحزان
حانقول حكاية طفل مسكين
وقلب أم مطعون بســـــــــــــكين
طفل أتولد ومعاه الأنين
من ذو الحاجـــــــــــه قلبه حزين
الابن يناجى مين يراعينى
والأم تبكى مين يواســــــــــينى
الأب بيصرخ نار تكوينى
الأخ بيدعى ربى قويــــــــــــــنى
يا خالق الكون بقلبى أناديك
وقلبى أمى الحزين يناجيــــك
يا خادم يا أمين فين الآقيك
تراعى أخويا والرب يراضيــــك
يا أمى يا أبويا يا أخويا
يا خادم كنيســـــــــــــــتى الأمين
أيه ذنبى جيت أتعبكم
برعايتى تكونوا ســـــــــــــهرانين
كنت أتمنى أكون فرحتكم
ســــــامحونى سببت لكم الأنين
غصب عنى مش بأيدى
بقيت صليب على كتافــــــــــكم
تراعونى تسهروا لراحتى
وكان منايا أنا أســـــــــــــاعدكم
يا أمى جميلك مش حا أنساه
يا بويا قلبى وروحــــــــى فداك
وأنت يا أخويا ربى يرعاك
ماليش فى دنيتى ســـــــــــــواك
صليب وأنا عارف حمله ثقيل
على قلوبــــكم ولا خف الريش
محتاج لحنان كونى عليل
وبين أحضــــــــــــانكم لازم أعيش
الطفل ذو الحاجة
كلام يهمنا كلنا لازم نســــمعه هنا
الطفل ذو الحاجه
طفل مننا محتاج أكيد حبنــــــــا
الطفل ذو الحاجه
صــــــــــــــــليب لازم نشــــــــــــــيله
نراعيه بقلوب صافيه
وبكل ما نملك نديلــــــــــــــــــــــه
وأنت يا أم ذو الحاجه
طفلك مش محتاج حاجـــــــــــــه
ده حنانك عليه كفايه
من البدايه للنهايـــــــــــــــــــــــــــة
صليب شايلاه على كتافك
لا ســـــــــــــــــــمعنا منك كلمه آه
ولا شافت العيون دمعاتك
وطلبتى من الرب يرعـــــــــــــــــاه
يا شجرة صابرة على جسر الزمان
عمر ضهرك يوم أنحنـــــــــــــــــــــى
راضيه بنصيبك وصابرة
ولا ضهرك يوم انتنـــــــــــــــــــــــــى
مشوار وعليك طال
وفروعــــك ندى .. حبك أبتدى
أمى يا معنى الحياة
أمى يا علامه فوق جبين الزمان
حبك مستحيل يوم أنساه
أمى يا غالية يا منبع الحنـــــــــان
طول عمرك أم فاضلة
أسمك مكتوب فى ســـفر الحياة
رغم الصعاب صامته
تلبـــى للواجب نـــــــــــــــــــــداه
وأنت يا أبو ذو الحاجه
بســـــــــــــــــــــعادة شايل صليبك
عمرك ما قصرت فى طلباته
الرب يباركك ويعينــــــــــــــــــــك
مكرس جهودك لرعايته
زى أخواته تمــــــــــــــــــــــــــــــام
ضناك لازم حمايته
ضد غدر الأيــــــــــــــــــــــــــــــــام
الرب يكلل جهودك
توصله لبر الأمــــــــــــــــــــــــــــــان
علشان تفرح وترتاح
والفرح يفوق الأحــــــــــــــــــــزان
وأنت يا أخ ذو الحاجه
ما تنساش أنه أخــــــــــــــــــــــــوك
لا تتخلى يوم عنه
وتكون سنده ويا أبـــــــــــــــــوك
خليه يحس بكل حنان
وأنك راهب لكنيســـــــــــــــــــــته
خليك حضن أمان
خليك مجداف لســـــــــــــــــفينته
معاك يشعر بأرتياح
وعينيك نور لطريقـــــــــــــــــــــه
ينسى وياك الجراح
غدر الزمان وسنينـــــــــــــــــــــه
يا ضمير كل خادم أمين
عليك الحمل ســــــــــــــــــــنين
تخدم .. تعلم .. تدرب
سر ابنك جـــــــــــــــــواك دفين
لك فى قلوبنا تقدير
وأجرك فى الســـــــــماء موجود
يا صاحب الخدمه الأمين
حبنا لك ماله حــــــــــــــــــــدود
وأنت يامى ياأم الكل
يا كنيســــــــــــــــــــــــــتى الغاليه
يا حضن دافى يا بر أمين
يا نجمه فى الســــــــــماء عاليه
عمرك مانسيتى ولادك
حاســــــــــــــــــين دايما بحنانك
فاتحه لينا أحضانك
راميـــــــــــــــــه علينا ثوب أمانك
وياك ننسى الأحزان
يا شط ســــــــــــــــــــــفينة وبر أمان
لو تاه منى الحنان
لو غدر بى الزمـــــــــــــــــــــــــــــان
حبك يا كنيستى كفايه
وأنا محتاج لحنــــــــــــــــــــــــــــان
ياللا بينا نحب بعضنا
ياللا بينا نكمل حلمــــــــــــــــــــــنا
الأيد فى الأيد دايما
تقوينا وتزيد من عزمــــــــــــــــــــنا
ننسى الصعب والمشوار
ولا ننساش ذو الحاجـــــــــــــــــــــه
دول حته مننا بتنهار
والدمع فى العيون ملآنـــــــــــــــــه
وصيه لازم نحفظها
وصانا عليه ربنــــــــــــــــــــــــــــــــــا
كل طفل محتاج لحنان
لازم نراعيـــــــــــــــــــــــــــــــــه كلنا

منقوووول