تعبك...هتتكافئ عليه

ياااما
اشتكينا اننا كنا بنعمل جمايل في الناس وبنساعدهم وبنخدمهم وبنقف
جنبهم...وهما بينكروا الجميل...يمكن مش بيقدروا يمكن بيستهتروا يمكن مش
بياخدوا بالهم اياً كان السبب المهم اننا بنحس اننا بنحس بعدم تقدير وعدم
اهتمام..ويمكن من اقرب الناس لينا اصحابنا واهل بيتنا...

طب واخرت
اللي انا بعمله دا...كل مرة بقول يمكن حد يحس يمكن حد يقدملي كلمة شكر يمكن
حد ياخد باله من اللي انا بعمله...لحد امتى هفضل احس اني عايش فعالم لوحدي
ومحدش حاسس بيا ..طب انا ياما ساعد الناس وياما وقفت جنبهم...محدش فكر
يسأل عليا لما كنت محتاج لحاجة ..مين اهتم بيا؟ طب انا مش عارف افضل اعمل
كدا واستمر واكون برضو كويس معاهم واخدمهم رغم انهم ناس غير مقدرين
وناكريين للجميل...ولا اسبني منهم وافكر انا في نفسي وفي اللي يريحني ؟؟

انت
اللي هترد دلوقتي على السؤال دا ...
يسوع لما كان بيخدم الشعب ولما كان
بيطعهم وبيعطف عليهم وبيشفيهم من كل امراضهم...ناس كتير اتريقت عليه وناس
كتير مفكرتش حتى تقوله شكرا ..رغم انهم شفااااااااااهم من مرض كانوا
بيعانوا منه لسنين طويل...اول ما جيه اليوم ومد يسوع ايده إليهم وشفاهم
..مشيوا وسابوه !!! بس رغم كدا..يسوع كمل مسيرته وفضل يخدم ويعطف ويطعم
ويشفي وكمان يقوم من الموت ..

انهردة يسوع عايز يقولك على حاجة مهمة
قوي...كوباية الماية اللي بتشربها لأي حد عطشاااان ....الله بيكفأك عليها
!!!!!! شايف قد ايه...وكل حاجة تانية انت ممكن تكون شايفها صغيرة قوي ويمكن
تافهة..عند ربنا كبيرة قوي ودا حقيقي...ما بالك بقى لو اديت حد حاجة انت
منحتاجها...او اديت حد من وقتك اللي محتاج تعمل فيه حاجات مهمة....متتخيلش
دا عند ربنا قد ايه كبير وهايجزيك عليه ...
كل عمل بتقدمه في الكنيسة لو
حتى بتلم العطى او بتناول حد من الأطفال..كله عند ربنا اكبر من ما تتخيل
.صدق
في كدا وبإيمان كمل مسرتك وأعمل اللي في قلبك ومتخليش حد يأثر عليك...

من
اكتر الآيات اللي بحبها وبحطها دايما قدامي في كل حاجة, " اذا يا اخوتي
الاحباء كونوا راسخين غير متزعزعين مكثرين في عمل الرب كل حين
(عالميـــــــــــــــــن أن تعبكــــــــــم ليـــــــــــتس باطـــــلا
فــــي الــــــــــــــــــــــرب) ا كو 58:15 " بشجعك انت كمان تاخد
الآية مصدر تشجيع ليك ,صدق فيها من كل قلبك ...وانتظر التعويضات العجيبة
اللي هايجي بيها الرب على حياتك .

شكرااااااااااااااااااااااا علي الموضوع الرائع ربنا يبارك حياتك

» الصلاح: ما هو؟ وما يُشجِّع عليه
» الصلاح: ما هو؟ وما يُشجِّع عليه
» سؤااااااال ؟؟ممكن الرد عليه
» الحرية شىء لا يمكنك ان تحصل عليه
» الخجل مشكله .. كيف نتغلب عليه .. ؟