الموضوع: الجوووووووووووووو حر جدا بس دي بقي كلمه كويسه ومرطبه ب
طبعا واحنا فى الصيف والحر الجو سخن وبنلبس خفيف وياسلام بقى على كوبية ليمون متلجة ولا دش ينعش
نقول كلمة روحية مرطبة فى الحر والسخونية اللى احنا فيها
بما اننا داخلنا فى الصيف فى الحرارة مانوفق حرارة الصيف مع حرارة الروح ننمو بالروح فى الصيف يعنى خدنا الاجازة نبقى حارين فى الخدمة حارين فى الصلاة يعنى بدل ماتسهر على النت ولا الدش جرب صلاة نصف الليل تبقى حار فى فى القداس بدل كل اسبوعين ولا كل اسبوع وراك حاجة مرتين فى الاسبوع فى الانجيل وناخد المنعشات الروحية زى الخلوة كل يوم كدا نص ساعة ربع ساعة حساب نفس
واحنا صيف واخدنا الاجازة نقرا كتير كل يوم حتى نص ساعة عشان المعرفة والا ستفادة وحتى الخدمة
بليل لما بننزل اى مول ولا بنتشمى شوية الساعة 8 كدا وانتا بتتمشى حط mp3 بتاعك واسمع ترانيم وانتا ماشى او الاجبية او المزماير منها تتسلى ومنها تحفظ المزامير ممكن خروجة بليل تبقى فيها لمسة افتقاد تقول اعدى على مخدوم خمس دقايق سريعة اشوفو واتشمى تانى
ونملى وقتنا فى الاجازة مابين الصلاة والانجيل والقداس والخدمة وناخد كورسات كمبيوتر او لغة او مهارات او حتى كورسات فى اسقفية الشباب ونخرج بليل وبدل السهر على النت والتلفزيون نسهر سهرة انجيل نسهر سهرة صلاة نحضر درس الخدمة نعمل خدمات الكنيسة بليل زى تجهيز فلايرز وهكدا
المهم انك تتغلب على حرارة الجو بحرارة النشاط والروحيانيات وتنعش نفسك بالنشاط وتبقى بسيط النفس زى ملابسك وتفوق وتاخد الدش الروحى اللى هو التوبة والاعتراف والتناول
ربنا يجعل هذا الصيف الساخن ساخن باروح ومنعش بالنشاط
منقول
