لو زعلان مني حقك عليا

زهقت من كتر مبكتب و محدش بيفهمني

تعبت منا عمال اصرخ ومفيش حد
سامعني

علشان كده ان هكتب لربنا و علشان خاطري ساعدني

.......

انا
عارف اني بعيد عنك بس انا بحبك

انا عارف اني كسرت قلبك ومش فرحتك

انا
بعمل كل حاجه وحشه ، انا ياما اهنتك

انا عرف اني ليا مده مدخلتش
كنيسه و صلتلك

انا طول عمري ابن ضال ، بس برده انا حته منك

ممكن
اكون اوحش واحد في عيالك ، بس برده اسمي ابنك

هقولك ايه ولا ايه ،
ازاي انا مش حاسس كده بقيمتك

انا ايه اللي بعمله ده ، انا بدمر كل
حاجه اخدتها منك

انا عارف اني عندي ، وعندي معاك اوي بعترفلك

انا
عارف برده اني مش هقربلك ، بس انا لسه بحبك

بس انا لسه جوايا حاجه
حلوه ، وعلشان كده انا دلوقتي بكتبلك

مش عارف كلامي هيعجبك ولا لا ،
بس انا لازم بيه اعترفلك

........

انا هكلمك وانتا اللي
يريحك اعمله ليا

فات كتير وكتر وانا لسه فاضيه ايديا

عارف كل
يوم بتطفي نجمه في عينيا

كل يوم شجره الحبايب بتنقص شويا

كل
يوم بستني الجرح ، بقي حاجه عاديا

وكل كام يوم بودع واحد قريب اوي
ليا

انا خايف اوي ، والناس مش عارفه اللي فيا

شايفني واقف و
بزعق وبيقولوا شاطر عليا

شايفني راجل وبيقولوا جدع بيتحمل مسئوليا

بس
انا في حجات جوايا انتا تفهمها مش الناس ديا

انا قلبي مش ملكي ليه ،
ليه ملك الناس اللي حواليا

ليه انا بفرح تملي الناس والناس تملي
تجرح فيا

انتا بتبقي عارف انهم هيجرحوني بتسيبهم ليه ولا انتا بتفرح
فيا

اكيد انتا ممكن تمنعهم ، مبتمنعهمش ليه ، ايه الفايده من
القاسيا

هو انتا مش حاسس اني مش قادر، مش شايف التعب باين عليا

اقولك
علي حاجه ، انا حاسس برده ان انتا مش هتاخد بأديا

وهتاخد بأديا ليه
، اذا كنت انا دلوقتي بكتبلك والسجاره في ايديا

اخر كلام هدي الناس
شويه يا رب ، متخليهمش يجو كده عليا

قولهم كفايه ، قولهم زي مانتو
ولادي ده برده ابن ليا

زعق فيهم شويه ، مهما كل يوم بيزعقو فيا

وشكرا
كده يا رب ، ولو زعلان مني حقك عليا

» انا زعلان من ربنا
» شكلك زعلان منى
» ايه اكتر حاجه زعلان منها اووووووي او عليها
» يالى عاوز قلبك يفرح وعمرك ما تبات زعلان
» تنده عليا واسكتك