رساله من خطيبه خائنه الي خطيبها

بحبك بس بطريقتي
الي خطيبي العزيز اريد توضيح بعض تصرفاتي لئلا تفهم بطريقه غير صحيحه وبصراحه شديده
..
اولا : لقد اشتقت لك لكن لا تحاول الاتصال بي لان كلامك يصيبني بالملل

ثانيا:انا لن اقابلك كثيرا لاني اشعر بطول الوقت وكأن الوقت لا يتحرك معك ولا اريد ان ازورك في منزلك لاني اشعر بالاختناق فيه ولا اكون علي حريتي وايضا لابد ان تعرف اني لن اسمع كلامك في اي امر او طلب لاني لا احب الامر والنهي فانا حره في تصرفاتي وايضا لن استقبل اخوتك واقاربك ببيتنا لاني مشغوله جدا جدا واكيد انت عارف

ثالثا:حينما تتحدث معي لاتطول في الكلام لاني بصراحه ليس لدي اي وقت لكن يمكنك ان تكلمني عشر دقايق خصصتها لك انت وهذا من اجل محبتي الشديده وقد تقل المده تبعا لظروفي

رابعا:اذا رأيتني في حضن غيرك يجب ان لا تثور لاني بذلك افرح ويجب ان تفرح لفرحي ولا تخف فانا قديره علي الجمع بينكم وهذا لايؤثر علي علاقتي بك فحبي لشخص اخر شيئ وحبي لك شيئ اخر

خامسا:قد لا تراني ولشهور وقد لسنين لكن متي وقعت في مشكله سوف تكون اول من افكر فيه واذهب اليه تاكد من هذا

رجاء: لاتزعجني برسائلك واتصالاتك علي موبايلي او الاتصال بي بأي طريقه فحينما احتاجك سوف اتصل بك وفي عيد ميلادك او اي مناسبه قد اعتذر عن الحضور فاخوتك يطيلون في الاحتفال وانا بصراحه اشعر بالرتابه من تلك الاغاني التي يغنونها لك فلن اشاركهم اخيرا لابد ان تعلم اني احبك علي طريقتي
المرسل اليه
الرب يسوع
______________________________________________
ولكنى الآن أتحدث إلى نفسى لعلها تتوب

بالطبع إذا وُجِدت إنسانه مثل تلك الخطيبه ربما نقول إنها مجنونه
أو ربما نظن إنها مريضه نفسيه أو ( بتتسلَّى ) ولكن بالتأكيد من غير ربما يعنى سنقول إنها خائنه
عزيزتى الخطيبه ( نفسى ) أريد أن أطرَح عليكى بعض الأسئلة : -

1- كيف تدعين أنَّكِ تحبين وأنتى تستطيعين أن تبتعدى عن حبيبِك
يا كدابه إللى بيحب بجد مش ممكن يقدر يبعد عن حبيبه أبداً
إزاى خطيبِك يتصل بيكى ومش بس ماترديش عليه ده إنتى كمان بتقفلى السكه فى وشه بزمتك دى مش قلة أدب !
يبعتلك Sms من خلال كتابه المقدس ماترديش وكإنك ماقريتيش رسالته أصلاً
يحاول يتصل بيكى من خلال كلمة منفعة أو جمله فى كتاب أو على لسان أحد الأشخاص تهربى من إتصاله وتعملى نفسِك مش موجوده
وكل ماتسمعى صوته تقسى قلبِك وبتعملى كده ليه مش عارف
مزعَلِك مثلاً ! مستحيل ده بيحِبِّك جداً وشايلِك فى عينيه وناقشِك على كفُّه
ولا عُمره خانِك ولا فَكَّر يخونِك لأنه وفى جداً
ده إنتى إللى دايماً مزعلاه ومتضايقاه
ده إنتى اوقات كمان بتقللى منه قدام الناس بسبب تصرفاتِك الغريبه
وبسَبَبِك بيُجَدَف على الإسم الحَسن
يا شيخه حرام عليكى ده إنتى بتبقى مزعلاه ومضايقاه وهو إللى يصالحِك
عارفه ليه لأنه بيحبِّك بجد
هو صحيح متضايق من تصرفاتِك وأعمالِك الشريره وبيكره خطاياكى وأفكارِك الوحشه السوده
بس بيحبِّك إنتى وإنتى فى عينيه غاليه قوى
وده إللى بيخليه يسعى وراكى ويطلُبِك

2- كيف تطلبين منه أن لا يغضب عندما يراكى فى أحضان غيرِه
ده إنتى مستفزَه قوى منين بتحبيه ومنين تمشى مع غيره وللا بتكلمى غيره
لأ وإيه مش عايزاه يزعل لأ وإيه بتقولى إنك هتوفقى بينه وبين غيره يا سلام
لأ يا ماما معلش هو مابيحبش حد يشاركه فى قلبِك
يا قلبِك كله يا بلاش
لكن تعيشى معاه بنُص قلب وتدى النص تانى لغيره هو مايرضاش بكده

3- إشمعنى بقى لما بتحتاجيه بتلجأى له وتدورى عليه وتفضلى تتصلى بيه بكل الطرق علشان يرد
وللا هى علاقة مصلحة أما إنتى بارده قوى بصحيح طب حٍسِّى على دَمِّك شويَّه
ده انتى بتبقى عامله فيه اللى مايتعملش وتحتاجيله فتلاقيه فاتحلك حضنه ومستنيكى
بتبقى قاسيه عليه ومبكيه عينيه وأول ماتكلميه بينسى قسوتِك ويعاملك بحب وحنيَّه
... مابيعاتبكيش حتى بيراعى مشاعرِك ومابيحبش يضايقِك
وكمان بيحتفل بيكى وبيدبحلِك العِجل المُسَمَن وبيلبِسِك خاتم فى إيدِك وبيلبِسِك كمان حُلَّه جديده
على فكره هتفرِق معاه قوى لو كلمتيه من غير ماتكونى عايزه منه حاجه
لمجرد إنه واحشِك ونفسِك تسمعى صوته وتحَكِّى معاه

4- تعالى هنا بقى عمَّاله تتنططى على إيه ! إنتى مين يعنى !
مش كفايه إنِّك سوده ومهبِّبَه وهو شايفِك جَميلَه ! ده إنتى فيكى عِبَر الدنيا وهو برده بيحِبِّك
بتسيبيه فى اليوم عشر مرَّات وبترجعى له وبيقبلِك
بتقولى له بحبّضك وبعدها بكام ساعه بتعلنى عن كراهيتِك ليه وبرده بيسامحِك وبيغفِرلِك
ده إنتى المفروض تشكريه كل يوم على إنه لسه بيحبِّك وعايزِك رغم كل البلاوى إللى فيكى دى
فيه حد فى الزمان ده يلاقى حبيب وفى بالشكل ده ويزعله !
فيه حد يلاقى حد يحبه كل الحب ده ويتخلَّى عنه
إنتى إيه فقدتى الذاكره !
نسيتى إنه إتهان علشانِك نسيتى إنه إتبهدِل وإتذَل علشانِك
ده دفَع حياته تمن خلاصِك
نصيحه بقى خدى بالِك قوى منه وإعقلى وإهمدى بقى وحافظى ع ليه
بدل ما الفرصه تروح ولو راحت مستحيييييل تتعَوَض .
توبى يا نفسى ما دُمتى فى الأأرض ساكنه لأن التراب فى القبر لا يُسَبِّح وليس فى الموتى من يذكر
ولا فى الجحيم من يشكر
توبى بقى وإمسكى فيه وماتسيبيهوش تااااااانى ده لُقطه ومايتعَوَضش :)
لا يوجد حب مثل حب السيد المسيح

مرسي ليك يا اماني جميل جدا

ربنا يبارك تعب محبتك

أشكر محبتك يا أمجد

راااااااااااااااااائعة بجد
بجد ده اروع موضوع انا قريته وشفته
ومفيش اى كلمة توصف جماله واهميته
ربنا يخليكى لينا دايما ياقمر بمواضيعك الاكثر من رائعة دى بجد
ميرسي ليكى كتييييييييييير

ماتحرمش يا مرمر ربنا يخاليكى ليا ويباركك

روعه يا امانى بجد الواحد لو حسبها كده و بص لها من الزاويه دى هايحس بجد قد ايه اللى الواحد بيعمله ده مايستهلش عليه حتى الوقوف امام الديان العادل
ربنا يباركك و يعوض تعب محبتك و خدمتك و ماتنسيش ان الشجره المثمره هى التى تلقى بالحجارة بلاش تزعلى و لا تتضايقى من اى حد ممكن يكون ضايقك بكلامه لانى شفت كتير ناس ع الفيس بوك كانت اقل ما يقال عنها انها ماتستاهلش الواحد يرد عليها
ربنا يقويكى و خدى بالك من نفسك
باى

جميييييييييييييييييييييييييييييييييييييييييلة جدااااااااااااااااااااااااااااا

جميل جدا ربنا يبارك تعب محبتك
وتسلم الايادى

[ندعوك للتسجيل في المنتدى أو التعريف بنفسك لمعاينة هذا الرابط]

انا بشكر محبتك وكلامك الجميل بجد ولو انى ماستاهلهوش

صلواتك

marina
monsef

اشكر محبتك ومرورك

[ندعوك للتسجيل في المنتدى أو التعريف بنفسك لمعاينة هذا الرابط]

انا بشكرك بس ياريت خاليها تسللم الايادى
انا مش عايزاها تسلم خالص

هههههههههههههه

انا بشكرك

» رساله من مين.......؟؟؟!!!!!!!
» رساله حب
» رساله حب
» رساله من يسوع ليك انت
» رساله لك من يسوع