يا ربى ..احنا تعنا من كتر البكا

ياربى..احنا تعبنا من كتر البكا
انا قلبى اللى جوايا منى ليا اشتكا
ضاع الصاحب والابن والاخ والضنا
واتعذبنا وابكينا ومحدش حاسس بوجعنا
بقا حد كان يتصور..ان القاتل ابن بلدنا
...طب ازاى هان عليه دم ولادنا
بقا للدرجادى ...بتزعجهم اعيادنا
بدل مانبات معيدين..نقضى الليل نلطم على خدودنا
ونسأل ليه ؟ومين ؟وازاى ؟ومفيش جواب على سؤلاتنا
طب مين هيسمع آآآآآآآهاتنا
ومين هيمسح دمعاتنا
وازاى نآآآآمن ونفتح ليهم تانى دراعاتنا
وهما بيحاولو يحرمونا من حياتنا
نفسى واحد فيهم يسمع صرخة ..ام
نفسى يبص عالارض ويقولى كان ايه احساسه ..بالدم
دم ملاك بريىء كان نفسه هو واصحابه ..يتلم
ويقضى معاهم ليلة العيد من غير ..الم
كان فرحان بلس العيد..مش عارف انه هيبات فالكفن
بيفكر ازاى هيقضى صبحية العيد ..بس الصبحية فيها..اتدفن
ومش عايزينا نبكى؟؟طيب نعمل ايه فالغدر دة يا زمن
حد يفهمنى احنا عايشين ليه هنا..تعالو ندور لينا على وطن
يكون فية امان و عدل والمجرم فيه لازم يدفع التمن