ممكن اتكلم دقيقه عن ربنا

ممكن اتكلم معاكم دقيقه عن ربنا؟؟



حد حاسس فيكم ان حياته من غير معنى انه بعيد اوى عن ربنا

انه بقالو كتير مقعدتش معاه
او هو اصلا طول حياته لسه مقعدتش مع ربنا
مش الصوم والصلاه وبس
لااااااااااااا

قعد معاه اتكلم بقلبه بكى وطلب منه محبته
بجد سؤال هل فيكم حد لبخته الحياه والدنيا وقيدته بمشاكلها
جميله المنتديات المسيحيه بس بندخل نعمل ايه؟؟؟؟
تسليه منفعه روحيه ولا بنكلم ربنا ولا ايه؟جميل الشات والتعارف على بعض لكن ياترى ربنا فين
هل بنتعرف عليه؟؟؟؟؟؟
ولا هو اقل اهتمامتناااااا
حد فينا فكر وسال نفسه ربنا رقم كام فى حياته واحد؟؟؟؟؟؟؟؟؟؟؟؟؟؟
لو واحد طب ليه بنحط النت ساعات قبل ما نصلى والكليه واصحابنا واهلنا
عارفين انا لما بفكر كده بلاقى ربنا رقم كااااااااااااااام؟؟؟؟؟؟؟؟ ؟؟

اكيد انتو عرفتو الاخير

مهو لما ربنا تبقى مساحته عشر دقايق بالكتير يبقى لازم يكون الاخير
انا مش بنصحكو لااا انا محتاج انصح نفسى قبلكو
بس بجد حبيت اشرككم فى تاملاتى دى بجد ليه
ليه ربنا مستحملناااااا كل ده ليه بالرغم من هو الاخير فى حياتنا احنا كل واحد مننا هو الاول عنده بيهتم بيه بمشاكله بحياته
ياااااااااااه احنا لو فكرنااااا هنموت نفسنا من التفكير ومش هنوصل لمحبة ربنا
بس وبعدين تفتكروا هنفضل واقفين بعيد متحسرين على حياتنا نادمين من غير ما نتغير
لازم نعمل حاجه
لاااازم
نقوم الوقتى نرفع قلوبنا ليه
نقعد معاه القاعده اللى نفس كل واحد فينا يقعدها معاه
يلا كلنا نوعده اننا نحاول السنه دى اننا نخليه
رقم وااحد
فى حياتنا
انا عارف انى طولت عليكم بس عايز كل واحد يدخل هنا
يوعد وعد قدام نفسه وقدام ربنا انه يصلى حالا حااالا لربنا يسيب كل حاجه ويصلى ويكتبلى انه فعلا هيبدا صفحه جديده مع ربنا علاقة اصحاب وعلاقة حب
انا مبسوط انكوا قضيتو دقيقه بسببى نتكلم عن ربنا لان ما احلى الكلام عن ربنا
وامتع الوقت اللى بنقضيه فى الكلام عن حبيبنا

بجد الكلام ده بيحصل فعلا وربنا دايما بيكون ترتيبه الاخير
وياريتها ترسي على كده ده كمان احيانا مبيبقاش ليه اى ترتيب فى اولويات حياتنا
وبجد ياريت كل واحد يفكر يرجع لحضن الفادى ويتاكد من محبة ربنا ليه ومايخليش الندم يقلب بطريقة عكسية ويياس من محبة ربنا ويفتكر انه مش هيقبل توبته واكيد ربنا مستنى كل واحد فينا يرجع له ويعيش معاه
ميرسي ميرو بجد موضوع اكثر من رائع

بجد ياميرو انا بحيكى على الموضوع دوا بس بصراحة ياريت ياجماعة كل الى يدخل الموضوع مش المه انة هو يرضع على الموضوع بس المه انة هو يعمل بالكلام دوا بجد وميرسى ياميرو على الموضوع

ميرسى بجد لكلامكم الجميل فوفو ومارى ومينا بس انتوا مش قولتوا ايه الوعد الى هتوعدوا بيه ربنا انكم تنفزوهوانا عن فسى بوعدك يابويا انى هاحاول بنعمتك معملش حاجه تضايقك تانى منى او تزعلك