لو انت غنى ورجل اعمال وربنا ساندك وعندك بركة
بس بتحب تجمع المال ويبقى عندك كام شركة
وكل ما تربح عايز تزود يبقى بتخدم كام سيد
ولو بتحب اللبس وعايق وكل يوم طقم جديد
ودماغك عالية وبالك رايق وفاكر انك عايش سعيد
وعلى العز ديما متعود يبقى بتخدم كام سيد
لو بتحب تشجع كورة وتروح تتفرج ومعاك شلة
وتحجز اول مقصورة وترفع علم ولون وفانلة
وتهتف من قلبك وتايد تبقى بتخدم كام سيد
لو تليفونك ديما مشغول وتحب تتكلم وتحكى كتير
وواخد وقتك منك علطول مش ملاحق ع الفواتير
ومالك عليك ومتسيد تبقى بتخدم كام سيد
لو فى قلبك خطية محبوبة مالية فكرك وعايش فيها
وكل ما تقول يارب توبة تشتاق تانى وترجع ليها
وتعيش لابليس متقيد تبقى بتخدم كام سيد
