لماذا لا نفضل الحب فى سن المراهقة؟

لماذا لا نفضل الحب فى سن المراهقة؟

كثير ما يتعلق قلب الفتى المراهق بفتاة معينة،ولايقبل أن يُقال له:لاتحب الآن؛ولكن تعالوا سوياً نتناقش فى النقاط التالية
1-الحب فى سن المراهقة وما يستلزمه من مقابلات،ونزهات،وخطابات،وأحاديث عاطفية،.....يشغل تفكير المراهق ويعوقه عن العمل والنجاح فى الدراسة،ويبذل المراهق جهداً كبيراً للتغلب على حالة عدم التركيز ولكنه عادة لايستطيع فيتأخر عن زملائه ويفقد تفوقه وإمتيازه.وإن كان يرى ا لبعض أن الحب قد يحفز على التفوق والنجاح ليكون الشخص موضع تقدير وإعجاب الذى يحبه ،ولكن فى الواقع غالباً ما يحدث العكس
2-يوجد فجوة عمرية بين النضج الجنسى للمراهق والنضج الإقتصادى تقدربحوالى 12-17سنة.اذا كان سن البلوغ الجنسى13سنة تقريباً،فالنضج الإقتصادى فى الغالب25-30سنة.يكون الشاب قد أنهى التعليم والتحق بعمل مناسب،ويكون دبر المال اللازم لتأسيس سكن الزوجية
وخلال مدة هذه الفجوة،يتطلب من المراهق التوفيق بين دوافعه الجنسية ومتطلبات المجتمع،إذا أقدم على الحب فى هذه الفترة فهو يزيد المشكلة تعقيداً،فلا يستطيع اللقاء مع محبوبته لأن العرف والتقاليد وقيم المجتمع والمثل الدينية لاتقرهذا اللقاء ،لأنهما لايستطيعان الزواج لعدم إستقلالهما مادياًبعد،مما يدفعهم للتقابل خلسة ويأتيان بسلوك لايرضى عنه المجتمع،وينظر إليه الناس نظرةإحتقار،ونشير هنا الى أن طول مدة العلاقات يجعلها تتحول تدريجياً الى علاقات جسدية مما يعرضهما الى الإنحدار

3-عدم القدرة على تحقيق العهود بالزواج فى المستقبل،حيث يتعاهد المحبوبان على الزواج وتعيش الفتاة على هذا الأمل ولاتعبأ بكلام الناس عنها ولابمراجعة الأصدقاءالمخلصين لها،وتمرالأيام والشاب يتخرج من الجامعة ،وتنفتح عليه الدنيا بمنظار آخر،وإذ الفتاة التى أحبها فى حداثته لاتصلح أن تشاركه حياته الجديدة ،فيتنصل من وعده وقدلايستطيع أن يصارح فتاته فيراوغها إلى أن تفجأ بإرتباطه بأخرى،فتتحطم حياتهاويضيع مستقبلها،وطبيعى أن يُحجم الشباب عن الزواج من فتاة عاشت عمرها كله تحب شاب آخر
وما يحدث من الشاب قد يحدث من الفتاة،فهى فى الغالب غير قادرة على تحقيق العهد بالزواج ممن تحبه،إذ أنه كثيراً ما يحدث أن يتقدم لحطبتها شاب آخر متوفر لديه إمكانيات الزواج،وعلى خلق فتوافق الأسرة على الفور ،وعبثاً تحاول الفتاة أن تفهم والديهاأنها تحب شاباًآخر مازال فى مرحلة التعليم،فالوالدان لايجدان وجهاً للمقارنة إطلاقاً.........!!!!!!!!!!!!!!!
وهنا تضطر الفتاة تحت ضغط الأسرة للزواج تاركة صديقها
والآن أترك لكم الحكم ...

ياللا شاركوناااااااااااا

منقول

بجد الكلام ده صح اوى
بس الولد او البنت لما ييجوا يحبوا فى السن ده مش بيفكروا فى اى حاجه من دى
وبتغلب عليهم فكرة الحب وبيبقي عندهم رغبه كبيره فى انهم يجربوا الحب
وطبيعة المرحله اللى هما فيها بتخليهم يبقوا حساسين جدا مع الناس اللى حواليهم
يعنى لو الاب او الام رفضوا العلاقه دى هما بيفتكروا ان والديهم ضدهم وعاوزين يحطموا سعادتهم اللى احتمال كبير تكون وهميه
وكمان المرحله دى بتبقي انتقاليه فى حياتهم ومشاعرهم بتبقي غير مستقره ولسه مش شايفين فى الحياه غير الجانب الايجابى السعيد
ومفيش عندهم خبرة فى مواجهة اى مشكلة تقابلهم حتى لو كانت سهله وبسيطه
وللاسف ممكن يفكروا بطريقه سلبيه جدا ابسطها انهم يفتكروا ان والديهم واقفين فى طريق سعادتهم وممكن يحطموا مستقبلهم ودراستهم
انتقاما من والديهم وفى الغالب بيعندوا اكتر ويرفضوا يسيبوا بعض وبيكملوا مع انهم ممكن يكونوا لسه مفهموش معنى الحب الحقيقي
بس فى النهايه احساس الحب فى المرحله دى بيبقي جميل جدا وبتبقي مشاعر بدون نفاق من الطرفين وبيبقي قلبهم ابيض اوى
ولكن 80% من قصص الحب دى بيبقي مكتوب لها الفشل طبقا للظروف اللى بتقابل الطرفين وبيعجزوا فى الدفاع عن حبهم
اللى الله علم اذا كان حب حقيقي او حب تطلبته المرحله اللى هما فيها
فاحسن حاجه بقي ان الولد او البنت يفكروا فى مستقبلهم الاول وازاى ينجحوا فى دراستهم وكمان حياتهم واكيد الحب هييجى فى الوقت المناسب
سؤالى بقى
هى الظروف دى بس اللى ممكن تمنع الحب فى سن المراهقه ولا ممنوع ان احنا نحب فى المرحلة دى اصلا يعنى
نفترض ان الولد والبنت كانوا اغنياء ومستقرين ماديا وتقريبا الدراسه بالنسبالهم مش فارقه اوى
ممكن اهلهم يوافقوا على استمرار العلاقه دى ولا هيرفضوا خوفا من ان تكون المشاعر غير حقيقيه او عابره وممكن تضر الطرفين
ولو رفضوا يبقي قرارهم صح وليه صح والعكس

لماذا لا نفضل الحب فى سن المراهقة؟ 43205626

لماذا لا نفضل الحب فى سن المراهقة؟ 43205626

ميرسى يااااااادمن على الموضوع الجميل ده وميرسى على ردك ياميرررى
انا مش هطول بس انا ليا شويه كومينتات مش كتير

1*ان كلام الموضوع كلو ده هوفعلااللى بيحصل والحب ده مش بيكتبلو النجاح
2*فى السن ده يبقى فضول من الطرفين لمعرفه تفاصيل بعضهم مش اكتر

لكن بالنسبه لسؤاااااااااااالك ياااميرى بجد ممتاز وهقولهم فى عده نقاط

1*الشاب والفتاه دول اغنياء مش من الذكاء انهم يعارضو اولادهم فى هذا الحوارلانهم ممكن يعندوا معاهم
ويتمموها حتى (بجوازعرفى او جواز الدم)
نتيجه لحياتهم المرفه وعدم رفض الاهل لاى طلب لبيهم ف ده بمثابه تعدى على حريتهم
2*يرحبو بهذه العلاقه بس يشترطو عليهم اتمام المراسم الرسميه بعد الدراسه الجامعيه
وانا قولت الجامعيه مش الثانويه(لان فى الوقت ده الشاب والفتاه بيخرجوا لعالم تانى وبما انهم اغنياااااااء
يبقى ممكن فى سفرللدراسه خارج البلاد ومعرفه العالم الخارجى)ووقتها بأكدلك ان كل حاجه هتتغير
3*بكده يبقى الاهل سبوهم يقرروا مصير علاقتهم بنفسهم ومش خسرووووووهم فى نفس الوقت

سورى لوكنت صدعتك بس سؤااااااالك جميل فعلا واتمنى اكون وصلتلك حاجه بعد الدوشه دى كلها يااااجميل
وميرسى ليك ياأمن لطرح الموضوع ربنا يبارك حياتكم وخدمتكو وتعب محبتكو

اكيد استفدت كتير من ردك الجميل ياقمر
بجد رايك مقنع ميرسي ليكى كتير
وربنا يكون معاكى ويوفقك فى اختيار شريك حياتك اللى هتكونى معاه مبسوطه مدى الحياه

» لماذا نحب الحب؟؟؟؟؟؟؟
» سلام ونعمة:// لماذا يسمح الله بالتجارب القاسية"احيانا نمربتجارب مؤلمة جداا"لماذا يحدث هذا؟
» ما الذي يميز الحب الحقيقي عن الحب الزائف؟
» كيف تتعامل مع ابنك المراهق أو ابنتك المراهقة ؟
» بكل الحب هنتكلم عن الحب