ياااااااااااارب من فضلك اقبل صلاتى

ربى والهى ومخلصى يسوع المسيح بشكرك من اجل محبتك الغير محدودة لاولادك
بشكرك لانك لسه مستحمل قساوة قلبى وجبروته لحد النهارده
بشكرك لانك كل يوم بتدينى فرصه جديده اقدملك فيها توبه وارجعلك لكنى للاسف ياالهى بستخدم الفرصه دى فى عصيانك وبعادى عنك
بشكرك لانك عمرك ماياست من رجوعى بالرغم من عدم وجود اى مؤشرات تدل انى ممكن ارجعلك
بشكرك لانك دايما فاكرنى وبتحرسنى وترعانى بالرغم من انا انا نسيك طول ايام حياتى على الارض
بشكرك لانك كل يوم بتبعتلى خادم جديد يكلمنى عنك ويعرفنى قدر محبتك وغلاوتى فى قلبك
بطلب منك تسامحنى على كل خطيه انا عملتها سواء كان بارادتى او من غير ما اقصد
انا عارف انى مش بكلمك من قلبى لكنى واثق ومتاكد انك سامعنى
وزى ما اخترتنى يايسوع علشان اكون ابنك خلينى اعيش كما يليق بابناء ملك الملوك
انت قلتلنا ياالهى انتم نور العالم وملح الارض
لكن للاسف ياربي بدل ماالناس المفروض تعرفنا من سلوكنا الحسن وتمجدك
بقيوا يشاوروا علينا ويقولوا ادى اولاد المسيح فضايحهم ماليه الدنيا وتصرفاته الشريره امام اعين الجميع
كتر خير قلبك ياربى انك مستحملنا ومش عاوز تهلك حد فينا وكل يوم بتدينا امل جديد
شكرا ليك اوى يا يسوع انك لسه متمسك بينا بالرغم من ان كتير اوى مننا باعك علشان خاطر شهوة رديه
ارجوك ياربى خليك معانا حافظ على كل ولادك من حيل الشرير
قدر يغرينا ياربى العالم الفانى بلذاته وشهواته قدر يبعدنا عنك وينسينا حقك علينا ومحبتك لينا
اوعى تخلى عمرنا يفوت من غير من نرجعلك يايسوع
خساره اوى يارب نفقد ابديتنا علشان خاطر شهوة تافهة مش قادرين نتخلص منها
اعتبرنا زى المولود اعمى ياربى ومحتاجين للى ينور عنينا مستنييك تيجى تشيل الغشاوة من عنينا وتنور قلوبنا وتحصن عقولنا ضد كل الافكار الشريره
لا تجعل ايماننا بيك سيدى مجرد كلام نتحدث به امام الاخرين ولا نعرف معنى ما نقوله
اولاد العالم كل يوم يسبقونا على الابديه ياالهى واحنا ولادك واقفين نتفرج وكل يوم يضيع مننا كتير ويتركوا حظيرتك
جايين النهارده نطالبك بوعودك والحياه الابديه
حياة اولادك امانه بين يديك افعل بها كيفما تشاء سيدى فانت الاب الحنون الذى يرعى اولاده ويسامحهم على خطاياهم وينتظر رجوعهم دون كلل او ملل
شكرا لك سيدى الحبيب لانك استمعت لكلماتى
لك كل القوة والمجد الى الابد
امين

يا رب انا رهن اشارتك وكما قالتها امي العذراء البتول غير مكترثه بما ستلقى من نتائج متكله عليك واثقه منك اقولها انا ايضا : " لتكن مشيئتك يا رب " ,,, امين