إجتماع مؤتمر القمه العالمى للشياطين بسواحل جهنم

قال رئيس الشياطين:-
بس كفايه يا شياطين
حتى ف الخطيه مش نافعين
،ياخسارة تعليمى فيكم وتدريسى ورعايتى ليكم
دا أدم وحواء كان زمانهم تابوا على إيديكم

+لو سمحتلى يا لعين،يا أبو النجاسه وفراغة العين ياللى الناس من سيرتك يكونوا مفزوعين،أنا لسه ماتكلمتش يا لعين

وإنت مين إنت كمان هترجعلى الصداع بتاع زمان

أنا مطمئن فرحان بإذن سلطان الجان،أنا مسئول عن اليأس وفقدان الأمل وتعظيم الهم+

دورى يبدأ بعد أى شيطان من أخواتى بعد ما يوعقوهم فى ا لخطيه،أكون أنا جاهز بالعطيه،شوية أيات إنما إيه من إللى هى تحطم أى نيه للتوبه المفتريه تحب تسمع يا أصل كل أزيه

"ثم مضى وشنق نفسه"،"خيرا له لو لم يولد"،"سقطت سقطت بابل العظيمه،"إعزلوا الخبيث من وسطكم"،"جيل فاسق وشرير"،"أبقبله تسلم إبن الإنسان".....وغيرهم من الأيات يا منجوس وده

طبعا أهم سلاح يحطم النفوس.عندى كمان حوار

إنما إيه ملهلب نار

(إزاى تعمل كده وتزعل ربنا منك،فى حد يعامل أبوه بالشكل ده ،ده إنت ما تستاهلش إنك تكون إبنه شايف فلان بيعامله إزاى شايف بيسمع كلامه وبيحبه إزاى ،هاتيجى إيه إنت جنب فلان ده،إوعى توريه وشك بعض الشيطان ما ضحك عليك وغشك،إنت خلاص ضايع ضايع وبعيد عن ربنا واقع واقع،إوعى تفكر ترجعله لحسن عقابه هايكون شديد خليك كده ماشى بعيد،وإوعى تكلم أب إعترافك،هترفع إزاى قدامه راسك،خليك بعيد يا مسكين،إللى زيك لازم يبقوا منسيين،

عيش حياتك بالطول والعرض، ومايهمكش أى حد على وجه الأرض

ما إنت فى الأخر مُدان مُدان يبقى عيش يومين يا غلبان

وبكده يا لعين ياللى رتبتك رئيس [ندعوك للتسجيل في المنتدى أو التعريف بنفسك لمعاينة هذا الرابط]وإسم الشهره سطانائيل

أحطم أى تايب وأخليه يفقد الأمل ويبقى معايا دايما فى خيبه وحزن وهم

وبالسلاح ده قضيت على ملايين من البنى أدمين وجبتهم هنا خدامين تحت أرجل الشياطين

بس.....بس......بس *

إيه هاتبسبس إنت كمان....!ـ إيه الحكايه يا أبو الجدعان يا مطمئن يا +

فرحان هخلى أبوك بواب مملكة الجان

الحقيقه يا أبو كل شيطان،إن فى شوية كهنه جدعان كل ما يشوفوا واحد تعبان من اليأس

وزهقان يحفظوه شوية أيات تنسيه كل إللى فات،إسمع يا لعين أصل ودانى مسدودين

"لا تشمتى بى يا عدوتى لأنى إن سقطت أقوم"،"إن الصديق يسقط سبع مرات فى اليوم ويقوم"،"هلم نتحاجج يقول الرب إن كانت خطاياكم كالقرمز تبيّض كالثلج"،إن إعترفنا بخطايانا فهو أمين وعادل حتى يغفرها لنا"،ودم يسوع المسيح إبنه يطهرنا من كل خطيه"،هلم نبنى أسوار أورشليم ولا تكون بعد عاراً".......ـ

بس بس بس بس بس كفايه إنت عاوزنى أتوب وللا إيه الحكايه+

يا خايب يا منحوس وأنا إللى كنت هاديلك كأس الكؤوس...أضربوه لغاية ما ييجى أبوه

بتزعألى ليه يا سطانائيل ما إنت بجلالة قدرك إتغلبت من الملاك ميخائيل وخلاك تحط راسك فى الطين فاكر وللا أسمع بقية الشياطين

أه أ أه برضو بتضرب أه أه

منقول

» بيت لحم من التراث العالمى
» الأنبا بيشوي: بيوتنا أصبحت "ملاهي" للشياطين.. بسبب الفضائيات
» عاجل مؤتمر الشياطين!!!!!!!!!!!!!
» برنامج الترجمه العالمى والاكثر من رائع
» مؤتمر قبطى بكندا للمطالبة بوقف "التمييز" ضد المسيحيين