اليوم ذكراك يا والدى (12_12_2010)

12-12-2002 ............12-12-2010
اليوم ذكراك ياوالدى ...فى نفس اليوم ده سافرت السما عند ربى
القدر حكم ببعادك عنى ... والدنيا من بعدك مبقاش ليها اى قيمة عندى
كنت لسه صغيره اوى ... معرفش ايه معنى فراق الاحباب
بس الموت مابيرحمش لا صغير ولا كبير ... خطفك منى وسابنى بين الاسيه والانين
كنت انت ابويا واخويا وصديقى ... ايوه انت كل حياتى ياحبيبى
فى حضنك كنت بلاقى الامان ... وقلبك كان كله حنيه
من بعدك ضاقت اوى الدنيا عليا ... ومبقاش فى حد بيسال فيا
من بعدك ياابويا لا خال ولا عم ... يقدر يشيل عنى الهم
نفسي ارجع طفله من تانى ... وترجع تاخدنى فى حضنك وانسي كل احزانى
انت عارف لو كان الموت اختيارى ... كنت وهبتك عمرى تعيشه كله بدالى
والنهارده فى ذكراك يابابا ... بقولك وحشتنى اووووووووووووى
لكن عزايا الوحيد ياغالى ... انى واثقه انك دلوقتى مبسوط فى حضن اللى فداك وفدانى
وداااااااااااااااااعا يااغلى واحن وارق اب فى الكون

ميرسي ليك كتير بجد ياامجد لكلامك الرقيق وتشجيعك لى دايما
ربنا يعوضك ويفرح قلبك وتحقق كل اللى بتتمناه يااااااااارب

ربنا يعزيكى يامرمر بجد هو بابا فرحان بيكى اوى دلوقتى لانك مخلصه ليه ومفتكراه وكمان هو فرحان لان شايف بنوته حبيبته الغاليه عليه ديما بتتقدم وتنجح وربنا معاكى ديما ويحافظ عليكى

ميرسي ليكوا كتيييير ولكلامكم الجميل

ربنا يعزيكي يا احلي ماري في الدنيا وينيح هو روحه في احضان الشهدااااا والقديسين