الى اختشى مات

اللى أختشى مات ............ جامده لازم الكل يقراها

كلمات الفنان المبدع/ فريد النقراشى

نفسى افتح لك قلبى واقولك كلمات من مبدأ اللى اختشى مااااات....
بيعدى عليا وقت بخاف لا تكون قناعاتى وكل حياتى بلا اهداف
ومسيرتى فى درب الدنيا خلف خلاف
اوصافك مختلفة بين الكل ومحدش شاف
خايف لا يكون كل كلامهم عنك حواديت صالونات
علشان كدة بفتح لك قلبى واقولك كلمات من مبدأ اللى اختشى مات

وانا لسة صغير حكولى عن جلدك بالسوط
عن قبرك وقيامتك وصعودك للملكوت
سيبك من انى مفهمتش ازاى ربى يتسلم للموت!!
ولا عارف ارد عليهم عن شتمك ولا لطمك ولا عار الصلبوت
بس سؤالى؟؟
ملقتش طريق تانى غير الجرسة والاهانات؟؟
اسمحلى افتح لك قلبى واقولك كلمات من مبدأ اللى اختشى مات

واحد ربه عظيم جبار مالى الدنيا خوف وعويل
والتانى شافله اله فنان قضى حياته فى سحر الليل
وأيشى شكله متحنتف وجميل
وأيشى اطول من ايفل واسرع من الخيل
وانت يارب نصيبى شكلك مجروح وعليل
كل اصحابى شاكين ناكرين مش فاهمين ودة غير الخيانات
اعذرنى بقى لما افتح لك قلبى واقولك كلمات من مبدأ اللى اختشى مات
فى الرايحة والجاية يعيرونى
فى الرايحة والجاية يعيرونى
بحكاية لوط وبناته واللى لفرعون ادى مراته على عينه فى حياته
واللى نصب على اخوه وعملها فى ابوه ونشل بركاته
واللى شهدت لقلبه بنفسك فين مزاميره وفين صلواته؟
سيرة كلها ذل وعار تيجى اية دى جنب الفتوحات؟!
سامحنى.. بفتح لك قلبى واقولك كلمات من مبدأ اللى اختشى مات
طب ما تحليها ياربى بشوية بهارات حبة حركات
يعنى دهب وقصور وبحور وحوريات
وبدل ما نخوض فى اعراض الناس وفى خطاياهم والزلات
اكتب فى كتابك بس اللى يشرفنا بالحسنات
ولو ملقتش منشردش.. نملاه سلامات وتحيات
معلش انا بفتحلك قلبى واقولك كلمات من مبدأ اللى اختشى مات
بالنسبة ليا قعدت كتير وكتير مستنى الاشارات.. فك الشفرات
لحد ما شكيت فى الرد محدش هيعبرنى ولا بعد مئات السنوات
ومنيش اجدع من توما ولا شايف نفسى داوود قدام جليات
انا حتة بنى ادم عادى عايز افهم مين هو الحق.. مين هو الرب اللى بيدى حيات
من حقى افتحلك قلبى واقولك كلمات من مبدأ اللى اختشى مات
اخر ما يئست.. لميت لخبطتى و ضعف ارادتى مع لعناتى وشوية بركات
حطيت العمر بكل مافيه من قراءات.. وبركة وعظات ..ودمع صلاة.. ومئات الاعترافات
صريت الكل فى قلبى الميت.. وكتبت علية يسلم يدا" بيد للساكن فى السموات
ما انت مردتش عليا..
قررت ابعت لك قلبى تقرا ما فيه من كلمات
وكلها من مبدأ اللى اختشى مات
واستنيت
حبة كتير.
مش فاكر
يوم اتنين
اسبوع شهرين
يمكن سنتين
واخيرا جانى الرد
شكاك خايف مش مؤمن
بوسسسسسسسسسطة..
ايوا ميـــــــــــــــن؟؟؟
الرب اخيرا رد عليا!!!!!!
وجريت وفتحت وانا بذرف بدموع العين
بصيت جواه
.. لقيت صورتى
اية دة ياربى؟؟
انت باعتلى صورة مين؟؟
لاهو انا مش عارف شكلى؟؟
مناخيرى وبقى ودقنى وحتى سواد العين!!
اى مرايا فى بيتنا هتفكرنى بشكلى بدل المرة الف و الفين
هو دة سؤالى؟؟
مش عايز اعرفنى
عايز اعرفك انت
مين انت وفين؟؟؟؟؟؟؟؟؟

وبصيت فى ضهر الصورة
لقيت شوية كلمات من مبدأ اللى اختشى مات

سلام ونعمة ورحمة......

صورتك دى مش صورة لمخلوق عادى دى صورة لابنى الغالى
اللى لما خلقتك شكلتك على صورتى ومثالى
واديتك سلطانى على كل العالم البالى
كانت خطتى ليك انك هتعيش فى السما ويايا فى العالى
عهدى ووعدى انك هتكون نجم عظيم بيضوى ويلالى
لكن كدبت كلامى وكل وعودى وصدقت اللى سقط قبلك من عالى
واكلت الشر مضغته فى جوفك حتتك بتتك حلالى بلالى
لوثت طبيعتى اللى رسمتها فيك ومحيت ريس مالى
حطمت لى كل امالى
اخدت حتة كبييييييرة من قلبى ورميتها فى مملكة الظلمات
منا قلبى معاك بس بموتك كان لازم تبعد عنى اصلى منيش اله اموات
عاوزك تعرف كلمة فى سرك
انى بكيت
ايوا بكيت
مش مرة لكن مرات
ومليت الكون بصرخ باهات
اهات من مبدأ اللى احـــتــشى(فى احشائى) مااااااات
صورتك دى دليل على انى مفرتتش فيك واديتك تانى حياة
من يوم ما مشيت وانا قلبى وحيد مستنى اجيبك تانى تعيش جواه
اوعى تفكر انه مش فارق مع قلبى وجودك فيه وبقول انشالله ما عنه اهو جاه
!!
!!
ياك فاكر ان وظيفتى اله اتأمر واتكبر واتجبر واتنطط على خلق الله
انا عايزك حتى لو عضم فى قفة
هدفع فيك ارضى موطئ قدمى لا
انا هدفع فيك ملكى ومجدى هدفع فيك عرشى وسماه
ودة مش كلام فض مجالس وخلاص انا جيت فى خلاص
بصليب لحياة
عرونى
جرونى
اهانونى
شتمونى
جلدونى
كل دة علشانك يا عيونى
يا موالى وتسبيحتى
ياأحلى صلاة
صورتك دى بتحكيلك عن حبى وعشقى
مهياش مجرد كلمات زى ما بتقول من مبدأ اللى اختشى مات
لكن من مبدأ اللى
حب
وحب
وحب
وحب
وحب
لحد ما مااات