مرت احدى الرحلات من على كوبرى بلد اسمها دهتورة... ومرة واحدة... طلبت ست بياعة سمك انها تركب معاهم الاتوبيس هى وابنها ويروحوا معاهم "سنباط"...الناس اللى فى الاتوبيس استغربوا ...ايه الحكاية؟!بس العجب اختفى لما شافوا الست واقفة فى كنيسة الشهيدة رفقة بسنباط وهى بتزرغط وبتقول"شى لله يا ست رفقة ليكى اكلة سمك"ايه الحكاية؟!ووقف ابن الست يحكى ويقول:انا دايما كنت بزقل الناس المسيحيين اللى بيعدوا من هنا فى الرحلات بالطوب...وعشان الدنيا حر وكمان عشان تعبت قلت انزل البحر واستحمى...ومره واحدة لقيت نفسى بغرق ومش عارف اخرج و وانا بغرق لقيت واحدة ست جاية بتخرجنى للشط وبتقوللى انا رفقة بتاعة سنباط...ولما والدته شافته ماصدقتش غير لما سمعت زمايله اللى كانوا معاه وحكوا ليها كل اللى حصل...ولما سألت عن رفقة بتاعة سنباط واحدة زميلتها قالتلها دى اكيد الست رفقة "دى سرها باتع"وطبعا الست ما صدقتش...اخدت ابنها ولما دخلت الكنيسة وابنها شاف صورة الشهيدة رفقة قال لها هى دى يا ماما الست اللى خرجتنى من الميه...قامت الست مزرغطة وقالت...........ليكى اكلة سمك...
+++++++++++++++++++++++++++++++++++++++++++
