انا بنت الفادى
عضو متميز الحضور
ما هي ديانتك : انا مسيحي
عدد المساهمات : 1849
نقاط : 8828
تاريخ التسجيل : 18/04/2010
الموقع : قلب بابا يسوع
العمل/الترفيه : لتكن مشيئتك يارب
 مبسوط فى حضن يسوع
 | موضوع: رسالة الى اب اعترافى  السبت يونيو 26, 2010 10:52 am | |
| 4بعد السلام يا أبويا اقبل يديك ... لكني يا أبويا عاتب عليك ... فاكرني يا أبويا أنا اللي كنت مواظب علي الاعتراف علي أيديك ... أنا يا أبويا من خراف المسيح اللي سلمهم أليك ... أمال يا أبويا ... ما قدسك الراعي اللي المسيح أتمنك عليا ... كنت ماشي يا أبويا و عنيا علي رجليك عشان أقدر أوصل لحظيرة المسيح ... لحظيرة الراعي اللي فيها ينقطع البكاء و الحزن والشقاء و التعب ... و في لحظة يا أبويا شاور لي عدو الخير و بصيت له يا أبويا و قعد يشاور لي و أمشي وراه و فجأة يا أبويا لقيت قدامي ديابة كتير هجموا عليا ... نهشوا لحمي .. كسروا عظامي ... ضربوني يا أبويا و عذبوني ... و لما التفت يا أبويا عشان أرجع لقطيعي و أرجع أبص علي رجليك كنت بعدت أوي يا أبويا قعدت أصرخ يا أبويا عليك ... قعدت أصرخ أصرخ وأقولك يا أبويا أنا مش قادر أتحرك تعال أنت يا أبويا شلني و خدني ... رجعني للقطيع تاني ... بس أنت مسمعتنيش يا أبويا ... فضلت سنين و سنين من غير أعتراف أو مرواح للكنيسة .. و كل ما أحاول ارجع عدو الخير يكسر رجلي ... بقيت عايش محبوس في أحزاني يا أبويا ... عايز أرجع و مش عارف ... عايز أترمي في حضن ربنا و مش عارف ... لغاية ما عنيا يا أبويا نشفت فيها الدموع بس قلبي فضل موجوع ... و لما زادت همومي و أحزاني و كثرت ألامي صرخت تاني ... عارف يا أبويا بقالي كام سنة مدخلش كاهن بيتي ... سنين يا أبويا لم يفكر في أحد ... لم يفتقدني أحد ... أنا عارف يا أبويا أن خطيتي هي مسئوليتي أنا لوحدي ... لكن أنت أبويا يا أبويا ... فضلت أصرخ أصرخ لغاية لما سمعت صوت جوايا بينادي عليا ... قلت ايوه ايوه أنا هنا ... أنا عارف الصوت ده كويس أنا فاكره ... الصوت الحنين ده أنا متأكد أني عارفه ... نادي عليا و قال لا تخف أنا مش ناسيك يا حبيبي عايز ترجع للمسيح قلت له أيوه أيوه أنا عايز ارجع أترمي عند رجليه أغرق رجليه بدموعي المرة ... عايز أترمي في حضنه و أرجع لحنانه بس أزاي أنا لحمي أتقطع من الخطية أنا خايف و مين يرجعني ... قالي أنا هو الرب إلهك الممسك بيمينك القائل لك لا تخف لأني أنا معك ... قلت أيوه الصوت ده صوت المسيح هو صوت المسيح جاء لي و شالني يا أبويا , قلت له معقول يا ربي بعد كل الخطايا دي و بعد كل اللي عملته جايلي بنفسك عشان ترجعني قالي إذا كنت يا حبيبي نزلت من السما و تجسدت و أُهنت و ضربت و صلبت لأجلك مش هاجي عشان أرجعك أوعي تفتكر أني ممكن أتنازل عن خرافي أو أسيبك لوحدك لو نسيك العالم كله أنا مش ممكن أنساك لو تفتكر كلامي
هل تنسى المرأة رضيعها فلا ترحم ابن بطنها حتى هؤلاء ينسين و أنا لا أنساك (اش 49 : 15)
لا أهملك و لا أتركك (عب 13 : 5)
... ضمد كل جراحي و شال الحزن من قلبي و مسح دموعي و رجعني تاني لقطيعي ووصاني و قالي أهو قطيعك متخرجش منه تاني و رجعت لك تاني يا أبويا ... عاتب عليك يا أبويا انك نسيتني ... و لم تفتقدني ... عاتب عليك يا أبويا أنك ما حسيتش أني طلعت من قطيع كنيستك ... أنا عارف يا أبويا أن مشغوليتك كتير و حمل الخدمة تقيل ... إداريات الكنيسة و القداسات و الاجتماعات و غيرها كتير ... أنا عارف يا أبويا أن عددنا كبير و حملنا تقيل بس أنا يا أبويا عاتب عليك لأن أنا الضال عند المسيح أهم من 99 بار مش محتاجين .
أقول لكم انه هكذا يكون فرح في السماء بخاطئ واحد يتوب أكثر من تسعة و تسعين بارا لا يحتاجون إلى توبة (لو 15 : 7)
دا المسيح يا أبويا ساب أل 99 و خرج يدور علي الخروف الضال زى ما عمل معايا يا أبويا جه دور عليا و لقاني و رجعني .
متزعلش مني يا أبويا أنا عاتب عليك لأني بحبك ... خايف يا أبويا تيجي تسلم المسيح خرافه و تقوله استلم مني يا رب خراف الكنيسة يقوم يقولك و فين اللي ضلوا منك ... ما دورتش عليهم ليه.
بس أنا متأكد يا أبويا أنك منسيتنيش في صلاتك .
الافتقاد ... الافتقاد ... الافتقاد ... الافتقاد ... الافتقاد ... الافتقاد ...
حاللني يا أبويا أنا عاتب عليك عتاب الابن اللي بيحب أبوه ... حاللني يا أبويا أقبل يديك .
كنت ضالاً وحيداً و المسيح افتقدني...
منقووووووووووول | |
|
