يا ترى الدور على ميييييييييييييييين؟؟؟
احضرونا يا ناس ............يا طيبين
فالكشح ...اتقتلو عشرات المسيحيين
ومن ليلة عيد الميلاد واحنا قلوبنا مولعين
ولسة على اولادنا احنا حزانا ومكسورين
......وكمان ابن السلامية سامح بضابا....المسكين
دة غير بناتنا ...........المخطوفين
وياترى .......الدور على مييييييييييين؟؟
انا بسأل :كل دة ليه؟؟؟
ولأمتى الظلم دة هنصبر عليه؟؟؟
ما احنا من زمان صابرين ...يعنى خدنا ايه؟؟؟؟
طبعا كلنا عارفين صبرنا على ايه..وايه...وايه
طيب يا بلدنا فين الامان ؟؟
انا نفسى احس انى انسان
وافخر ببلدى واقول وطنى ولا كل الاوطان
بس ازاى وانا دايما عايش فالاحزان
وحاسس بالظلم وبالطغيان
انا بحبك يا مصر
وباني ليكى جوة قلبى قصر
وبقول انا مصرى بكل فخر
بس مع الاسف مظلوم عشان ماليش فيكى ظهر
نفسى كل واحد ياخد حقه ويعرف واجباته
عشان فعلا يعرف يعيش فيكى حياته
وميبقاش حياته .....تمنها سكاته
نفسى القانون ياخد مجراه ويعرف اختصاصاته
وكل قاتل او مجرم ياخد عقابه وينال جزاته
كلمات:شاعرة الشهداء
الشاعرة ناهد فاروق شاروبيم
