مش عارف اكتب ايه فى الموضوع ده
بس ربنا يدبر بقى ويخلينى اكتب الحاجة اللى عاوزكو تقروها
لو دخلت الموضوع ده لازم تفهم انك مدخلتوش صدفة لان ربنا عاوز يقولك حاجة
وحاجة كبيرة كمان فيا ريت متسدش ودانك واسمع كويس هو ربنا عاوز يقولك ايه :
كلنا بندور على الحب . صح ؟
هل فى حد يقدر يعيش من غير حب . معتقدش ؟
اللى عاوز اقولو ان الحب هو الحياة من غير حب مفيش حياة
والانسان مش قادر يقتنع ان احتياجه الاساسى هو للحب
لو بصينا على كل الطموحات بتاعت الانسان هنلاقى ان الهدف منها هو الحصول على الحب
الانسان عاوز يبقى معاه فلوس كثير .............عشان الناس تحبه
الانسان عاوز يبقى فى ايدو سلطة................ عشان الناس تقدملوا حب
الانسان عاوز يبقى مظهروا جميل .................عشان الناس تحبه
الانسان بيدور على الحب فى كل حته
بطرق مختلفة
مره يروح يمارس الجنس
ومره تانية يروح يخدم الناس
ومره يحاول ويبقى مشهور عشان الناس تمدحه و تحبه
الحب احتياج اساسى
بس هل كل الحاجات اللى الانسان بيعملها ديه .....فعلا .......بتديله الحب
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هل ف حد فى العالم فضل طول عمره الناس بتمدحه ................. لا
طيب ليه ؟
باختصار
هو الناس بتحبنى ليه ؟
عشان غنى ......عشان بتقدملى خدمات ..................عشان معاك قوة ونفوذ وسلطة
عشان.......... وعشان................. وعشان...................
بس لو السبب ده راح ......ايه اللى هيحصل ؟
الناس معدتش هتحبنى
عشان كدا بنفضل طول عمرنا خايفين على فلوسنا وخايفين على مركزنا
وخايفين من فلان لانه ممكن يبقى احسن منى والناس تحبه اكثر منى
وافضل عايش فى سجن الخوف .....................
يعنى اسيبنى من الناس ومش مشكلة يحبونى
طيب اعيش اذاى من غير حب
طيب وانا اعمل ايه ؟
انا عاوز حد يحبنى
فانا عندى استعداد اعمل اى حاجة بس حبنى من فضلك
ممكن اخسر واتنازل عن اى حاجة مهما كانت غالية
يمكن اخسر نفسى وكرامتى وشرفى عشان اخد الحب
وبرضو مبخدوش .............................
ايه الحل ........................
ربنا قال ليس بالخبز وحده يحيا الانسان بل بكل كلمة تخرج من فم الله
الحياة = حب
ربنا بيقولنا من زمان اوى انه مش بالاكل بتاع العالم هتقدر تاخد الحب
بس بكل كلمة بتخدها من فم الله هى ديه الحب اللى يحيك الحب الحقيقى
انت محتاج لشخص يحبك لشخصك
مش عشان انت ابن فلان
او عشان انت مدير شركة ميكروسوفت
او عشان انت اللعيب الكورة المشهور
او عشان انت العازف الموهوب بتاع الكنيسة
بس كل الناس ديه ممكن تروح لو الحاجة اللى عندك ديه راحت
مفيش غير يسوع (ابوك )
بيحبك عشان انت غنى ..................... لا
يبقى بيحبك عشان انت بتسمع كلامه .........................لا
اه يبقى اكيد بيحبك عشان انت خادم شاطر وبتساعد اخواتك.............................لا
بيحبك عشان انت ابننننننننننننننننه
ابوك بيحبك من غير اى شرط بيحبك حب كبير
مينفعش تقارن محبة ربنا بمحبة اى حد او اى حاجة فى العالم
لان محبته لانهائية غير محدودة
عشان كدا مكتوب : انى قد امتزت عجبااا
عظيمة هى محبة ربنا لينا
استقبل محبة ربنا فى حياتك
لانها هى قلى هتقدر تغنيك عن اى حب تانى
وسعتها هتقدر تصب من المحبة ديه على اى حد محتاج لحب
ووقت متتعلم تاخد الحب من ايد ربنا
سعتها هتقدر تاخد الحب من الشخص المناسب فى الوقت المناسب بالطريقة المناسبة ......................................
هو بيحبك لانك انت ابنه
وعاوز بيقولك انهاردة
ممكن تحبنى ؟؟؟؟؟؟؟؟؟؟؟؟؟؟؟؟؟؟؟؟
