ازاى نعرف نحب ربنا ؟

اكيد اغلبنا مر بقصة حب فى منها اللى نجح وفى منها اللى فشل
مش هى دى قضيتنا لكن الحكايه ان لما حد فينا بيحب شخص معين
بيبقي مستعد يتحدى الكون علشان خاطره ودايما بيبقي عاوز يثبتله انه بيحبه باى طريقه وممكن يضحى بحاجات كتيييييير فى سبيل سعاده اللى بيحبه ومبيقدرش ينام الليل لو زعل منه ولو شاف دمعته بيتعب كتير ويترجاه بعدم البكاء وبيبقي فرحان اوى بقصة الحب دى ودايما بيطلب من ربنا انه يوفقهم وقصة الحب تستمر وتنتهى بزواجهم
السؤال بقي هو
اذا كان الانسان بيعمل كل الحاجات دى واكتر فى سبيل حب عالم يعنى على الارض ومصيره هاينتهى ياترى عمر الانسان مافكر يحب ربنا ولو ربع الحب اللى بيحبه للشخص اللى فى العالم صدقونى لو فكرنا نحب ربنا بجد زى مااحنا بنحب اللى فى العالم كان حاجات كتيييييييييير فى حياتنا وياترى فى حد قبل كده طلب من ربنا انه يعيش معاه قصة حب حقيقيه وان قصة حبه مع ربنا تستمر وتنتهى بالابديه ولا دايما فاكرين ان الدنيا هتفضل على طول واننا هنتخلد فيها
عاوزة اعرف ااااااااااااايه رايكم
ازاى نعرف نحب ربنا ولو بجزء بسيط من قدر حبنا للشخص اللى فى العالم
وليه دايما بنخاف على زعل الانسان اللى بنحبه وعمرنا مافكرنا فى زعل ربنا مننا
ليه دايما بنكره نشوف دمعة الحبيب على الارض وبنعشق نخلى ربنا دمعته علينا بسبب خطايانا