في الطفولة علمتيني قبل ما أنطق بالكلام
وفي شبابي بترعيني لما بسهر ولا أنام
صدقيني يا ضي عيني حبك أنت مش كلام
يبتدي في لحظة ميلادي شمعة تضوي في الظلام
...ست الحبايب والحنان أنتي يا أمي
لو كنت صغير ولا كبير تتبطبي وتضمي
تفرحي لفرحي وفي الشدة بتحملي همي
ساكنة في قلبي وأسمك بيجري في دمي
لما أزعــــــــــــــل بترضيني
لما امــــــــــــــــرض بتدويني
أمي أنت فـــــــــــي نن عيني
حبيت الكــــــــــــــون علشانك
وفي قلبــــــــي وروحي مكانك
تسلملـي كلـــــــــمة يا ضنايا
لما ينطـــقه لسانـــــك
اسمك زي شعاع النور
بيدخل قلبي يمد جسور
أنت حبيبتي يا أمي الغالية
ليكي بوسه وعقد زهور
ليكي شوق وحنين ومحبة
بيخليني بيكي مسحور
ماما حبيبتي يا أطيب قلب
اسمك موجة في بحر الحب
كلمة رقيقة بسمة بريئة
تفتح قلبي وتمحي الذنب
ماما يا نبع المحبة والحنان
قلبي بين أديكي عرف معني الأمان
أنتي السما والأرض أنت جنتي
أنتي وطن قلبي علي طول الزمان
عيدك يا أمي اسعد الأعياد
لولاكي يا أمي مكنش ليا ميلاد
قلبك بيرعاني يا بهجة القلب
مش ممكن ينساني في البعد والقرب
يا ما شلتيني وتعبت إديكي
وربتيني بدموع عنيكي
عمري ما أنسي أبدا دعاكي
قلبي وروحي ديما فداكي
مستحيل أنى أكون غير تحت أمرك
أصلك حنان والكون أمان
لما تضمي
أقول كمان
دا أنتي أمي وشايله همي....
lمنقول
